Túrkistan oblysynyń bas politseii Murat Qabdenov 2023 jyldy qorytyndylap, halyq aldynda onlain-rejimde esep berdi.
Kezdesý politsiia departamentiniń áleýmettik jelidegi resmi akkaýnttarynda jáne generaldyń jeke paraqshasynda tikelei efirde kórsetildi.
Eseptik jiynǵa beineselektor rejiminde departament basshylyǵy men 17 qalalyq jáne aýdandyq politsiia bólimsheleriniń bastyqtary qatysty. Halyqqa onlain rejimde esep berý-bul politsiia jumysynyń qoljetimdiligi, yńǵailylyǵy men ashyqtyǵynyń kórinisi.
Túrkistan oblysy politseileriniń atqarǵan jumysy jaily beinerolik kórsetilip, odan ári departament bastyǵy baiandama jasady.
Máselen, oblysta tirkelgen qylmystardyń sany 2022 jylmen salystyrǵanda 8,9% - ǵa tómendedi. Al qoǵamdyq oryndarda jasalǵan qylmystar 37,4% - ǵa tómendedi.
Ótkizilgen is-sharalar nátijesinde páter urlyǵyn jasaǵan 15 qylmystyq top ustaldy. Esirtkiniń zańsyz ainalymynyń 572 faktisi anyqtalyp, 1 tonna 330 keliden astam esirtki tárkilendi.
2024 jyly "Profilaktika jyly" sheńberinde qoǵamdyq tártipti nyǵaitý, internet-alaiaqtyqtyń, mal urlyǵynyń, bótenniń múlkin urlaýdyń aldyn alý jónindegi is-sharalar da nazardan tys qalmady.
Jol qaýipsizdigin qamtamasyz etý jáne jol qozǵalysy erejelerin buzýdyń aldyn alý úshin oblys joldarynda "Avtoýragan", "Kiber-sherif" keshenderi, sondai-aq drondar qoldanyldy. Sondai-aq 1400-den astam beinekamera jumys isteýde. Onyń ishinde 200-den astamy kólik jyldamdyǵyn baqylaidy. Máselen olarmen 568 myńnan astam ákimshilik quqyq buzýshylyq anyqtalǵan.
Turmystyq zorlyq-zombylyqtyń aldyn alý jáne halyqpen keri bailanys ornatý maqsatynda oblysta jurtshylyq ókilderiniń, múddeli organdar men úkimettik emes uiymdardyń qatysýymen "Baqytty otbasy – bolashaqtyń kepili" forýmy ótkizildi.
«Túrkistan - rýhani astana» bolǵandyqtan, munda túrli is-sharalar ótkiziledi, týrister kóptep keledi. Sondyqtan oblys ortalyǵynyń turǵyndary men qonaqtary ózderin qaýipsiz sezinýleri qajet. Sondai-aq Túrkistanda politsiianyń halyqqa qyzmet kórsetý ortalyǵy, iaǵni servistik ortalyq ashyldy.
"Bizdiń mindetimiz-halyqpen tyǵyz qarym-qatynas jasaý, qylmysqa qarsy kúres, qoǵamdyq jáne jol qaýipsizdigin qamtamasyz etý. Osyǵan bailanysty azamattardy zańdy saqtaýǵa jáne jol qozǵalysy erejelerin buzbaýǵa shaqyramyz. Qorytyndylai kele, biz qylmys deńgeiin tómendetý jáne politsiiany halyqqa jaqyndatý úshin qoldan kelgenniń bárin jasaimyz dep aitqym keledi. Eger sizde politsiiaǵa qatysty suraqtar men usynystar bolsa, bizdiń esigimiz árqashan ashyq!"- dep atap ótti M. Qabdenov.
Óz kezeginde oblys turǵyndary onlain-rejimde 100-ge jýyq suraq qoidy, onyń ishinde joldardaǵy beinebaqylaý kameralary, qylmystyq isterdi tergeý, qujattardy rásimdeý, qyzmetke kirý jáne profilaktika boiynsha saýaldar bar.
