Memleket basshysy Beibitshilik keńesiniń aǵa keńesshisi Are Laitstoýndy qabyldady, dep habarlaidy dalanews.kz.
Kezdesýde Gaza sektoryndaǵy ahýaldy turaqtandyrýǵa úles qosýdy kózdeitin Qazaqstan bastamalary talqylandy. Bul áleýmettik infraqurylymdy qalpyna keltirý, bilim berý jáne densaýlyq saqtaý jobalaryn júzege asyrý, azyq-túlik qaýipsizdigin qoldaý baǵyttaryn qamtidy.
Are Laitstoýn Qazaqstan Prezidenti men halqyn Memlekettik rámizder kúnimen quttyqtap, elimizge beibitshilik jáne baq-bereke tiledi.
Sondai-aq, ol Memleket basshysyna AQSh Prezidenti Donald Tramptyń ystyq yqylasy men lebizin jetkizdi. Beibitshilik keńesiniń ókili Qazaqstannyń osy jáne basqa da halyqaralyq uiymdar jumysyna belsene qatysatynyn, sonyń ishinde Ibrahim kelisimderine qosylý jóninde sheshim qabyldaǵanyn joǵary baǵalady.
Qasym-Jomart Toqaev pen Are Laitstoýn kólik-logistika salasyndaǵy yntymaqtastyq, TRIPP jáne Orta dáliz aiasyndaǵy yqpaldastyq perspektivasyn talqylady. Qazaqstannyń óńiraralyq ózara bailanysty nyǵaitýǵa jáne halyqaralyq kólik baǵdaryn ártaraptandyrýǵa qyzyǵýshylyq tanytatyny atap ótildi.
Kezdesý sońynda Prezident pen Uiym ókili ekijaqty jáne kópjaqty kún tártibindegi aýqymdy máseleler boiynsha yntymaqtastyqty odan ári tereńdetýge daiyn ekenin rastady.
