Onyń mátini tómendegidei:
Qazirgi tańda quqyq qorǵaý organdaryna "Garant 24 Lombard", "ESTATE Lombard" JShS jáne "Nýrali Kapital", "Vygodnyi zaim" mikrokredittik uiymdarynyń ieleri azamattardyń jyljymaly jáne jyljymaityn múlikterin, aqshalai qarajattaryn zańsyz iemdenip alý áreketterine qatysty aryzdar túsýde.
Atalǵan uiymdarmen 42 myń kelisim-shartqa otyrǵan 6 myńnan asa azamat júgingen. Politsiia organdary olardyń ótinishteri negizinde 22 qylmystyq is boiynsha sotqa deiingi tergep-tekserýdi bastady. Lombardtardyń 1 menedjeri men 12 filial direktorlary jaýapkershilikke tartylýda.
Tergeýdiń obektivtiligin qamtamasyz etý úshin protsessýaldyq prokýrorlar bekitilgen.
Alaiaqtar óz maqsattaryna jetý úshin túrli jarnamalardy belsendi túrde qoldanǵany, olardyń ishinde shoý-biznes juldyzdary men tanymal blogerlerdi paidalanǵany anyqtaldy.
Sotqa deiingi tergep-tekserý barysynda jarnama jasaýdy júzege asyrǵan jáne taratqan tulǵalardyń jaýapkershiligi qarastyrylyp, olardyń áreketterine quqyqtyq baǵa beriletin bolady.
Bas prokýratýra azamattarǵa kiris kózi dáleldenbegen qomaqty qarajatqa qol jetkizý týraly ýáde etetin kúmándi uiymdarǵa óz qarajattaryn senip tapsyrmaýǵa shaqyrady.
Eýraziia arnasynyń habarlaýynsha halyq "Garant 24 Lombardqa" 12 mln teńgege deiin salǵan.
Eń azy 300 myń, al ózgesi 12 mln teńgeden qaǵyldyq dep otyr. Mekeme 3 aida aqshańdy eki ese kóterip alasyń, ótpei jatqan múlkińdi qymbatyraq baǵaǵa satasyń dep ýáde beripti. Alaida, birneshe kún boldy tabys joq, jer-jerdegi basshylary tutylyp jatyr. Al jelide jarnama jasaǵan juldyzdar jurttan shetinen keshirim surap álek.
Ánshi Aiqyn Tólepbergen bul kompaniiany bylai dep jarnamalaǵan edi.
«Zarabatvaite bolshe sootvestvenno! Esli ý vas est voprosy, vy mojete podoiti v ofis, kotoryi imeetsia v 11-i gorodah Kazahstana".
«Menińshe, bul bizdiń naryqtaǵy eń tiimdi, eń qolaily, alyp-satý bolyp tabylady, sondyqtan óz múmkindikterińizdi paidaly jumsańyzdar".
«Vsia informatsiia v kommentariiah. Aiqyn Tólepbergen. Garant 24 Lombard".
«Delaite vygodnye prodaji drýzia. Ia ih vam rekomendýiý".
Protsenti qurysyn, salǵan aqshamyzdy qaitarsa da razy bolamyz deidi salymshylar. Onysyn qansha kútý kerek ekenin eshkim aita almaidy ázirge.
