ونىڭ ءماتىنى تومەندەگىدەي:
قازىرگى تاڭدا قۇقىق قورعاۋ ورگاندارىنا "گارانت 24 لومبارد"، "ESTATE لومبارد" ج ش س جانە "نۋرالي كاپيتال"، "ۆىگودنىي زايم" ميكروكرەديتتىك ۇيىمدارىنىڭ يەلەرى ازاماتتاردىڭ جىلجىمالى جانە جىلجىمايتىن مۇلىكتەرىن، اقشالاي قاراجاتتارىن زاڭسىز يەمدەنىپ الۋ ارەكەتتەرىنە قاتىستى ارىزدار تۇسۋدە.
اتالعان ۇيىمدارمەن 42 مىڭ كەلىسىم-شارتقا وتىرعان 6 مىڭنان اسا ازامات جۇگىنگەن. پوليسيا ورگاندارى ولاردىڭ وتىنىشتەرى نەگىزىندە 22 قىلمىستىق ءىس بويىنشا سوتقا دەيىنگى تەرگەپ-تەكسەرۋدى باستادى. لومباردتاردىڭ 1 مەنەدجەرى مەن 12 فيليال ديرەكتورلارى جاۋاپكەرشىلىككە تارتىلۋدا.
تەرگەۋدىڭ وبەكتيۆتىلىگىن قامتاماسىز ەتۋ ءۇشىن پروسەسسۋالدىق پروكۋرورلار بەكىتىلگەن.
الاياقتار ءوز ماقساتتارىنا جەتۋ ءۇشىن ءتۇرلى جارنامالاردى بەلسەندى تۇردە قولدانعانى، ولاردىڭ ىشىندە شوۋ-بيزنەس جۇلدىزدارى مەن تانىمال بلوگەرلەردى پايدالانعانى انىقتالدى.
سوتقا دەيىنگى تەرگەپ-تەكسەرۋ بارىسىندا جارناما جاساۋدى جۇزەگە اسىرعان جانە تاراتقان تۇلعالاردىڭ جاۋاپكەرشىلىگى قاراستىرىلىپ، ولاردىڭ ارەكەتتەرىنە قۇقىقتىق باعا بەرىلەتىن بولادى.
باس پروكۋراتۋرا ازاماتتارعا كىرىس كوزى دالەلدەنبەگەن قوماقتى قاراجاتقا قول جەتكىزۋ تۋرالى ۋادە ەتەتىن كۇماندى ۇيىمدارعا ءوز قاراجاتتارىن سەنىپ تاپسىرماۋعا شاقىرادى.
ەۋرازيا ارناسىنىڭ حابارلاۋىنشا حالىق "گارانت 24 لومباردقا" 12 ملن تەڭگەگە دەيىن سالعان.
ەڭ ازى 300 مىڭ، ال وزگەسى 12 ملن تەڭگەدەن قاعىلدىق دەپ وتىر. مەكەمە 3 ايدا اقشاڭدى ەكى ەسە كوتەرىپ الاسىڭ، وتپەي جاتقان مۇلكىڭدى قىمباتىراق باعاعا ساتاسىڭ دەپ ۋادە بەرىپتى. الايدا، بىرنەشە كۇن بولدى تابىس جوق، جەر-جەردەگى باسشىلارى تۇتىلىپ جاتىر. ال جەلىدە جارناما جاساعان جۇلدىزدار جۇرتتان شەتىنەن كەشىرىم سۇراپ الەك.
ءانشى ايقىن تولەپبەرگەن بۇل كومپانيانى بىلاي دەپ جارنامالاعان ەدى.
«زاراباتۆايتە بولشە سووتۆەستۆەننو! ەسلي ۋ ۆاس ەست ۆوپروسى، ۆى موجەتە پودويتي ۆ وفيس، كوتورىي يمەەتسيا ۆ 11-ي گوروداح كازاحستانا".
«مەنىڭشە، بۇل ءبىزدىڭ نارىقتاعى ەڭ ءتيىمدى، ەڭ قولايلى، الىپ-ساتۋ بولىپ تابىلادى، سوندىقتان ءوز مۇمكىندىكتەرىڭىزدى پايدالى جۇمساڭىزدار".
«ۆسيا ينفورماسيا ۆ كوممەنتارياح. ايقىن تولەپبەرگەن. گارانت 24 لومبارد".
«دەلايتە ۆىگودنىە پروداجي درۋزيا. يا يح ۆام رەكومەندۋيۋ".
پروسەنتى قۇرىسىن، سالعان اقشامىزدى قايتارسا دا رازى بولامىز دەيدى سالىمشىلار. ونىسىن قانشا كۇتۋ كەرەك ەكەنىن ەشكىم ايتا المايدى ازىرگە.
