Ulttyq murajaida ótip jatqan Jer reformasy jónindegi komissiia otyrysynda atalǵan komissiianyń múshesi Ǵani Qaliev elimizdegi milliondaǵan jeri bar oligarhtyń eshqaisysy jerlerin óz atyna tirkemeitindigin aitty.
— Bizdiń elimizde júzdegen, myńdaǵan, tipti, milliondaǵan gektarǵa ielik etetin oligarhtardyń eshbiri de jerlerin óz atyna eshqashan tirkemeidi. Biz osyny eskermei bolmaidy. Al endi ony qalai anyqtaimyz. Meniń oiymsha, zańnamalyq-qujattarymyzǵa bul máseleni naqtylaýdyń búge-shigesine deiin naqtylap jazyp kórsetkenimiz jón. Sondai-aq, onyń bir sheti kimniń jeri kimge tiesili ekendigin anyqtap, naqtylaýda jergilikti halyqtan artyq biletin eshkim joq, — dedi Ǵ. Qaliev.
Esterińizge sala keteiik, komissiia músheleriniń 75 múshesin qosqan komissiia otyrysynda jerdi sheteldikterge jalǵa berý máselesi qaralýda.
Derekkóz: Baq.kz
