15 shildede Shýchinsk qalasynda túsiniksiz jaǵdai oryn aldy. “Dala Qyrandary” qozǵalysynyń Shýchinsk qalasyndaǵy ókili Daniiar Qapasovtyń úiine Uiymdasqan qylmyspen kúres basqarmasynyń (UQQB) qyzmetkeri Ǵalym Qairatuly Jumabekov kelip, eshqandai túsiniktemesiz alyp ketti, dep habarlaidy Dalanews.kz.
“Daniiar — ómirlik jolynda túrli qiyndyqty ótkerip, qazirgi tańda aprobatsiiadan ótip jatqan jas azamat. Ol ózine jaýapkershilik alyp, “Dala Qyrandary” qozǵalysynyń qataryna qosyldy. Qazirgi ýaqytta eshqandai quqyqbuzýshylyqqa barmai, talaptardy oryndap júr jáne óz qalasynda uiym jumysyn damytýǵa belsendi atsalysýda”, — deidi “Dala qyrandary” jastar qoǵamdyq birlestigi.
Saǵat 22:00-de Ǵalym Qairatuly Daniiardyń úiine kelgen. Bastapqyda bári jai áńgime sekildi kóringen. Alaida biraz ýaqyttan soń patrýl men aprobatsiia inspektory shaqyrylyp, Daniiar esh túsiniktemesiz tirek pýnktine jetkizilgen.
Mańyzdy jaittar:
— Daniiardyń ákesine ulyna habarlasýǵa tyiym salyndy.
— Kezekshi prokýrordy shaqyrý týraly ótinish eskerýsiz qaldy.
— Advokat berilmedi.
— Qysym kórsetildi, biraq eshqandai túsinikteme berilmedi.
“UQQB qyzmetkeriniń qandai maqsatpen kelgeni bizge beimálim. Daniiar ishki qaýipsizdik departamentine resmi ótinish jazdy. Biz mindetti túrde bul istiń nazardan tys qalmaýyn qadaǵalaimyz.
Ǵalym Qairatulynyń myna suraqtarǵa jaýap berýin suraimyz: Sizge Daniiardan naqty ne kerek boldy? Ne úshin keldińiz? Bul máseleni resmi, zańdy jolmen sheshýge ne kedergi boldy?
Sóileskilerińiz kelse — ashyq aityńyzdar. Biz árdaiym bailanystamyz.
Shtabqa kelińizder. Resmi túrde shaqyryńyzdar.
Shyn máninde dialog kerek bolsa, osylai jasaidy. Shoý jasaýdyń qajeti joq”, — deidi birlestik.
Mundai áreketter Memleket basshysy aityp júrgen «Zań jáne Tártip» uǵymyna sai kelmeidi. Kerisinshe, bul — búgingi tańda memleket ustanyp otyrǵan baǵytqa kereǵar is-qimyl.
“Al biz dál sol memleket ustanyp otyrǵan baǵyttyń naqty kórinisimiz.
Zańǵa baǵyný, jaýapkershilik, jastarmen jumys isteý, qoǵam igiligine qyzmet etý — biz bul týraly óz jazbalarymyzda talai ret sóz qozǵadyq. Kúmán týdyrmas úshin siltemelerdi de qosa usynamyz.
Keshe bolǵan jaǵdai zań men tártip týraly emes. Bul — qysym, qorqytý jáne úrei týraly.
Sizderdiń áreketterińizdiń zańdylyǵyna baǵany prokýratýra beredi.
Al biz bul istiń jabylyp qalmaýyn qadaǵalaimyz”, — dep túiindedi birlestik.
