Shymkent qalasynyń ákimi Ǵabıt Syzdyqbekov qala turǵyndaryna ótinish bildire otyryp, áleýmettik jelidegi Instagram paraqshasynda óz málimdemesin jarıalady, dep habarlaıdy Dalanews.kz.

2024 jyldyń 14 aqpanynda jarıalanǵan jazbasynda qala basshysy Shymkentti damytýǵa qatysty azamattardyń usynystary men ózekti máseleleri árdaıym nazarda ekenin jetkizdi. 

"Men sizderdiń habarlamalaryńyz ben pikirlerińizdi oqımyn. Olardyń eshbirin nazardan tys qaldyrmaımyn. Keı máselelerdi zerdeleý belgili bir ýaqytty qajet etedi. Sondyqtan sizderden sabyrlyq, túsinistik tanytýlaryńyzdy suraımyn. Meniń áriptesterim ózderińizben mindetti túrde baılanys ornatady", - deıdi Ǵabıt Syzdyqbekov. 

Sonymen qatar ol qazirgi tańda aýdan ákimderi apparattary men basqarmalar kelip túsken ótinimderdi qarastyryp jatqanyn atap ótti.

"Men qashan da sizdermen dıalogqa ashyqpyn, ıdeıalaryńyz ben usynystaryńyzdy qýana qabyldaımyn", - dep túıindedi ákim.

Eske salaıyq, 2024 jylǵy 16 qańtarda Syzdyqbekov Prezıdent Qasym-Jomart Toqaevtyń qabyldaýynda boldy. Jıynda ákim Shymkent qalasynyń 2023 jylǵa arnalǵan áleýmettik-ekonomıkalyq damýy týraly esep berdi.