Finliandiiaǵa joldama: NIS muǵalimderi respýblikalyq baiqaýdyń jeńimpazy atandy
Almaty qalasyndaǵy himiia-biologiialyq baǵytyndaǵy NIS muǵalimderi Sholpan Ábisheva men Aijan Omarhanova Pro.NRG 2023 jahandyq festivaliniń «Science on Stage Kazakhstan» Ulttyq irikteý týrniriniń jeńimpazdary atandy. «Science on Stage» óz alańynda ártúrli elderden myńdaǵan pedagogtar men ǵalymdardy jinaityn dástúrli Halyqaralyq ǵylymi forým bolyp tanylady. Biyl bedeldi festival «STEM-bilim berýdiń turaqty damýy» taqyrybynda ótýde.
Baiqaýda Eýropanyń jaratylys salasyndaǵy tájiribeli professorlarynan quralǵan halyqaralyq qazylar alqasy tórelik etip elimizdiń túkpir-túkpirinen iriktelgen 50 úzdik qazaqstandyq jobany qarady. Espertter STEM-oqytýdy tájiribesinde tiimdi paidalanyp, jobalarynda utymdy kórsetken jeti muǵalimdi jeńimpaz atady.
Úzdik ustazdar kelesi jyldyń jazynda Finliandiiada ótetin 13-shi Eýropalyq «Science on Stage -2024» festivalinde respýblikanyń abyroiyn qorǵaityn bolady.
