Freedom Holding Corp. kompaniia úshin aǵymdaǵy jyldyń 31 naýryzynda aiaqtalǵan 2025 qazynalyq jyldyń qarjylyq nátijelerin jariialady,- dep habarlaidy Dalanews.kz
Negizgi kórsetkishter kelesi serpindi kórsetti:
- Esepti kezeńdegi túsim $2,1 milliardty qurap, zeinetaqy annýiteti boiynsha sharttar men jazataiym oqiǵalardan saqtandyrý sany artýynyń esebinen ol bir jyl burynǵy kórsetkishpen salystyrǵanda $384,2 millionǵa (23%) ósti. Munymen qosa, týyndy qarjy quraldarynan túsetin taza shyǵynnyń ornyna $12,4 mln (+112%) taza paidany tirkeý faktisi de túsimge áser etti. Sondai-aq, brokerlik kompaniialardyń bólshek klientteri sanynyń turaqty artýynyń jáne olardyń mámileler jasaýdaǵy belsendiliginiń arqasynda, komissiialyq tabystyń $440,3 millionnan $505 millionǵa deiin (+15%) ósýin atap ótken jón.
- Freedom Holding Corp. taza kirisi $84,5 milliondy qurady. Holdingtiń bir aktsiiaǵa shaqqandaǵy tabysy $1,43*-ti qurady.
- Holdingtiń aktivteri $8,3 milliardtan $9,9 milliardqa deiin ósti (+19%). Mindettemeler $8,7 milliardty (+22%) qurady.
2025 qazynalyq jylda Holding demeýshilik qoldaýǵa $51 milliondy joldady. Qazaqstan shahmat federatsiiasy men QJ League-qa aitarlyqtai qomaqty jarna jasaldy.
Esepti kezeńde klienttik bazanyń ósýi jalǵasty: brokerlik shottar – 683 myń (+153 myń), saqtandyrý kompaniialarynyń klientteri – 1,2 mln (+636 myń), banktik qyzmetterdi paidalanýshylar – 2,5 mln (+1,6 mln), basqa segmentterde – 605 myń (+486 myń).
Banktik qyzmetterdiń klienttik bazasynyń ósýi kóbine SuperApp iske qosylýymen bailanysty boldy. Birinshi jyly qosymshany 1,8 millionnan astam paidalanýshy júktep alyp, al 2025 jyldyń maýsym aiynyń basynda olardyń sany 2,3 millionǵa jetken.
«Jańa ǵana aiaqtalǵan qarjy jyly bizdiń kompaniia úshin mańyzdy kezeńge - tereń ózgerister, qiyndyqtardy eńserý jáne turaqty damý kezeńine ainaldy. Biz biznes aýqymy jaǵynan da, investorlardy qabyldaý turǵysynan da jańa deńgeige shyqtyq. Búgingi tańda naryqty kapitaldandyrýdyń rekordtyq ósýin eskere otyryp, Freedom Holding Corp. Qazaqstandaǵy ǵana emes, sonymen qatar óńirde de súieý bolatyn oiynshy retinde qabyldanady. Bizdiń jetistikterimiz - investordyń uzaq merzimdi strategiiasynyń jáne seniminiń nátijesi, oǵan biz shyn júrekten alǵysymyzdy bildiremiz», - dedi Freedom Holding Corp. bas atqarýshy direktory Timýr Týrlov.
Sondai-aq, 2025 jyldyń mamyr aiynda aktsiialardyń quny barynsha kóp deńgei - $183,07-ge jetkenin, naryqtyq kapitaldandyrý $11 mlrd bolǵanyn atap ótý mańyzdy.
FRHC aktsiialarynyń serpini keń naryqtan kúshtirek bolyp qalýda. S&P500 jáne Nasdaq negizgi indeksteri kúntizbelik jyl basynan beri nólge jýyq serpindi kórsetkenimen, FRHC aktsiialary atalmysh kezeńde 17%-dan astamdy qosty. Bul AQSh-tyń qarjy sektorynyń ortasha kórsetkishinen aitarlyqtai ozyp ketti jáne biznestiń qarqyndy ósýin, sondai aq investorlar tarapynan joǵary senimdi kórsetedi. Eń iri aktsionerler qataryna BlackRock, Millennium Management, Goldman Sachs, State Street Corporation, Morgan Stanley, D.E. Shaw, HRT Financial LP, SIG Holding LLC, FMR LLC sekildi institýtsionaldyq oiynshylar kiredi.
Aǵymdaǵy jyly Freedom Holding Corp telekommýnikatsiialyq biznesti damytý strategiiasyn iske asyrýdy jalǵastyrdy: 2025 jylǵy 30 sáýirde Astel Group Ltd.-ny satyp alý mámilesi aiaqtaldy. Kompaniianyń spýtniktik bailanys, júielik integratsiia jáne tsifrlyq sheshimder salasynda quzyrettiligi bar. Mámile somasy $22,6 milliondy qurady.
Sondai-aq Freedom Holding Corp aktsiialarynyń jyl saiynǵy qaita teńestirýdiń sheńberinde Russell 3000 indeksiniń esepteýine qosylýy bolyp tabyldy, ol 2025 jylǵy 27 maýsymynda amerikalyq naryq jabylǵannan keiin kúshine enedi. Russell 3000 indeksi AQSh aktsiialary investitsiialanatyn naryǵynyń shamamen 98%-yn quraityn amerikalyq eń iri 3019 kompaniianyń serpinin qadaǵalaidy.
