Freedom Finance kompaniiasynyń basshysy Timýr Týrlov KazTAG halyqaralyq aqparat agenttiginiń bas direktory Áset Mataev pen bas redaktory Ámir Qasenovqa qarsy qozǵalǵan qylmystyq iske qatysty pikir bildirdi, dep habarlaidy Dalanews.kz.
Ol aldymen KazTAG taratqan materialdardyń mazmunyna toqtaldy.
“Sońǵy ýaqytta olar kúnine 12 material shyǵaryp otyrdy. Nelikten bulai bolyp jatqanyn túrlishe túsindirýge bolady. Árine, bárine unai bermeitinimizdi túsinemin, teris pikir aitýǵa da jurttyń quqyǵy bar. Biraq shyndyqqa sáikes kelmeitin derekterdi fakt retinde jariialaýǵa eshkimniń quqyǵy joq. Bul - jala”, - dedi ol.
Onyń sózinshe, agenttik materialdarynda shyndyqqa janaspaityn aqparat óte kóp. Tipti, kei jaǵdailarda oqyrmandy da, memlekettik organdardy da manipýliatsiialaýǵa áreket baiqalady.
Týrlov memlekettik organdarǵa jiberilgen saýaldardy burmalap berý faktilerin de atap ótti.
“Mysaly, olar memlekettik organǵa saýal joldaidy da, keiin jaýap retinde sol saýaldy ózderi jariialap, “bizge túsinikteme bermedi” dep kórsetedi. Bul – etikaǵa sai emes”, - dedi ol.
Freedom basshysy kompaniianyń quqyqtyq qorǵaý qadamdaryna qatysty da pikir bildirdi.
“Eger bireý ádeii teris maqsattaǵy material jariialap, jalǵan derekter taratsa, biz ne istei alamyz? Biz munda zańdy jolmen jaýap berýge májbúr boldyq. Bul – emotsiiamen emes, zań aiasynda qabyldanǵan sheshim”, — dedi ol.
Ol qoǵamǵa taralǵan aqparattyń naqty faktilerge súienýi mańyzdy ekenin atap ótip, daýǵa qatysty quqyqtyq protsess zańdy tártipte jalǵasatynyn aitty.
Buǵan deiin
Eske salaiyq, kúni keshe KazTAG Halyqaralyq aqparat agenttiginiń bas direktory Áset Mataev pen bas redaktor Amir Qasenovqa Freedom Finance kompaniiasynyń aryzy negizinde qylmystyq is qozǵalǵany belgili boldy.
Freedom Finance aryzynda KazTAG jariialaǵan materialdarda kompaniia basshylyǵynyń alaiaqtyq shemalary týraly zardap shekkenderdiń málimdemeleri keltirilgeni aitylǵan. Osyǵan bailanysty Mataev pen Qasenov kúdikti retinde tanyldy.
Alaida qorǵaýshylar protseste zań buzýshylyqtar bolǵanyn alǵa tartyp otyr.
"Kúdikti dep taný rásimi zańsyz júrgizildi. Olardyń tergeýden jaltarǵany dáleldenbegen", – dedi advokat Rena Kerimova.
Redaktsiia qylmystyq is qozǵalǵanyn birneshe ai boiy bilmegen. Tergeý qupiia júrgizilip, saraptamalar da redaktsiiany habardar etpesten oryndalǵan. Advokat Erlan Makenov muny Qylmystyq-protsessýaldyq kodeks talaptarynyń buzylýy dep baǵalady.
