Freedom Finance كومپانياسىنىڭ باسشىسى تيمۋر تۋرلوۆ KazTAG حالىقارالىق اقپارات اگەنتتىگىنىڭ باس ديرەكتورى اسەت ماتايەۆ پەن باس رەداكتورى ءامىر قاسەنوۆقا قارسى قوزعالعان قىلمىستىق ىسكە قاتىستى پىكىر ءبىلدىردى، دەپ حابارلايدى Dalanews.kz.

ول الدىمەن كازتاگ تاراتقان ماتەريالداردىڭ مازمۇنىنا توقتالدى.

“سوڭعى ۋاقىتتا ولار كۇنىنە 12 ماتەريال شىعارىپ وتىردى. نەلىكتەن بۇلاي بولىپ جاتقانىن تۇرلىشە تۇسىندىرۋگە بولادى. ارينە، بارىنە ۇناي بەرمەيتىنىمىزدى تۇسىنەمىن، تەرىس پىكىر ايتۋعا دا جۇرتتىڭ قۇقىعى بار. ءبىراق شىندىققا سايكەس كەلمەيتىن دەرەكتەردى فاكت رەتىندە جاريالاۋعا ەشكىمنىڭ قۇقىعى جوق. بۇل - جالا”، - دەدى ول.

ونىڭ سوزىنشە، اگەنتتىك ماتەريالدارىندا شىندىققا جاناسپايتىن اقپارات وتە كوپ. ءتىپتى، كەي جاعدايلاردا وقىرماندى دا، مەملەكەتتىك ورگانداردى دا مانيپۋلياسيالاۋعا ارەكەت بايقالادى.

تۋرلوۆ مەملەكەتتىك ورگاندارعا جىبەرىلگەن ساۋالداردى بۇرمالاپ بەرۋ فاكتىلەرىن دە اتاپ ءوتتى.

“مىسالى، ولار مەملەكەتتىك ورگانعا ساۋال جولدايدى دا، كەيىن جاۋاپ رەتىندە سول ساۋالدى وزدەرى جاريالاپ، “بىزگە تۇسىنىكتەمە بەرمەدى” دەپ كورسەتەدى. بۇل – ەتيكاعا ساي ەمەس”، - دەدى ول.

Freedom باسشىسى كومپانيانىڭ قۇقىقتىق قورعاۋ قادامدارىنا قاتىستى دا پىكىر ءبىلدىردى.

“ەگەر بىرەۋ ادەيى تەرىس ماقساتتاعى ماتەريال جاريالاپ، جالعان دەرەكتەر تاراتسا، ءبىز نە ىستەي الامىز؟ ءبىز مۇندا زاڭدى جولمەن جاۋاپ بەرۋگە ءماجبۇر بولدىق. بۇل – ەموسيامەن ەمەس، زاڭ اياسىندا قابىلدانعان شەشىم”، — دەدى ول.

ول قوعامعا تارالعان اقپاراتتىڭ ناقتى فاكتىلەرگە سۇيەنۋى ماڭىزدى ەكەنىن اتاپ ءوتىپ، داۋعا قاتىستى قۇقىقتىق پروسەسس زاڭدى تارتىپتە جالعاساتىنىن ايتتى.

بۇعان دەيىن

ەسكە سالايىق، كۇنى كەشە KazTAG حالىقارالىق اقپارات اگەنتتىگىنىڭ باس ديرەكتورى اسەت ماتايەۆ پەن باس رەداكتور امير قاسەنوۆقا Freedom Finance كومپانياسىنىڭ ارىزى نەگىزىندە قىلمىستىق ءىس قوزعالعانى بەلگىلى بولدى.

Freedom Finance ارىزىندا KazTAG جاريالاعان ماتەريالداردا كومپانيا باسشىلىعىنىڭ الاياقتىق سحەمالارى تۋرالى زارداپ شەككەندەردىڭ مالىمدەمەلەرى كەلتىرىلگەنى ايتىلعان. وسىعان بايلانىستى ماتايەۆ پەن قاسەنوۆ كۇدىكتى رەتىندە تانىلدى.

الايدا قورعاۋشىلار پروسەستە زاڭ بۇزۋشىلىقتار بولعانىن العا تارتىپ وتىر. 

"كۇدىكتى دەپ تانۋ ءراسىمى زاڭسىز جۇرگىزىلدى. ولاردىڭ تەرگەۋدەن جالتارعانى دالەلدەنبەگەن"، – دەدى ادۆوكات رەنا كەريموۆا.

رەداكسيا قىلمىستىق ءىس قوزعالعانىن بىرنەشە اي بويى بىلمەگەن. تەرگەۋ قۇپيا جۇرگىزىلىپ، ساراپتامالار دا رەداكسيانى حاباردار ەتپەستەن ورىندالعان. ادۆوكات ەرلان ماكەنوۆ مۇنى قىلمىستىق-پروسەسسۋالدىق كودەكس تالاپتارىنىڭ بۇزىلۋى دەپ باعالادى.