Alstom frantsýz kompaniiasy elimizde elektrovozǵa tehnikalyq qyzmet kórsetetin tórt ortalyqtyń qurylysyn bastady. Jobanyń jalpy somasy 50 mln evrony quraidy, Shý qalasynda alǵashqy servistik ortalyqtyń ashylýy 2025 jylǵa josparlanǵan, dep habarlaidy Dalanews.
Alstom – elimizdiń temirjol indýstriiasynyń negizgi investory.
"10 jyl ishinde kompaniia qurylysqa, tehnologiialar transferti men qazaqstandyq mamandardy oqytýǵa shamamen 120 mln evro investitsiia saldy. 1 myńnan astam adam jumys ornymen qamtamasyz etildi. Astanada 7 óndiristik baza ashyldy, onyń ishinde jolaýshylar jáne aýyr júk elektrovozdaryn óndiretin "Elektrovoz qurastyrý zaýyty" bar. Frantsýz kompaniiasy 450-den astam jańa jumys oryndaryn asha otyryp, elektrovozǵa tehnikalyq qyzmet kórsetetin tórt ortalyqtyń qurylysyn bastady. Jobanyń jalpy somasy 50 mln evrony quraidy, Shý qalasynda alǵashqy servistik ortalyqtyń ashylýy 2025 jylǵa josparlanǵan. Zaýyt Qazaqstan men TMD naryǵyn baǵyndyryp, óz ornyn sátimen ielendi. Shyǵystan batysqa konteinerlik tasymaldyń artýyna bailanysty shyǵarylatyn ónimge suranys artty. Búgingi tańda óndiris kólemi boiynsha kásiporyn Qazaqstanda temirjol mashinasyn jasaý sektorynda shamamen 30%-dy alady", delingen Úkimet baspasóz qyzmetiniń habarlamasynda.
Bul týraly premer-ministr Oljas Bektenovtyń Jahandyq investitsiia jónindegi qazaqstandyq dóńgelek ústel aiasynda iri halyqaralyq kompaniialardyń basshylary – temirjol mashinasyn jasaý salasynyń álemdik kóshbasshylarymen kezdesýi kezinde málim boldy.
