Amerikalyq Veeam Software jáne Object First IT-kompaniialarynyń negizin qalaýshy Andrei Baronov pen Ratmir Timashev Resei azamattyǵynan bas tartty, dep habarlaidy Dalanews.kz.
Andrei Baronov bul sheshimge Reseidiń Ýkrainaǵa basqynshylyq saiasaty túrtki bolǵanyn jetkizip,urysty synǵa aldy. Kásipkerler reseilik tólqujatqa sáikes sońǵy eki jylda Forbes tiziminde qazirgi jáne burynǵy qatysýshylardyń arasynan segizinshi jáne toǵyzynshy orynǵa jaiǵasqan bolatyn.
Olar 2017-2021 jyldar aralyǵynda bes jyl boiy "Reseidegi eń bai 200 kásipker" reitinginde tóbe kórsetken. Andrei Baronov pen Ratmir Timashevtyń Resei Federatsiiasynyń azamattyǵynan bas tartqany týraly málimdemesin kásipkerlerdiń dosy habarlaǵan. Onyń aitýynsha, Timashev pen Baronov Reseidiń Kipr Respýblikasynyń elshiligine ótken jáne qazirgi tańda kásipkerler tek Kipr azamattyǵynda qalǵan. Ekeýi de uzaq ýaqyt boiy shetelde turady eken. Baronov Shveitsariiada, al Timashev AQSh-ta.
Andrei Baronov Resei azamattyǵynan bas tartýǵa ótinish qaldyrǵanyn LinkedIn áleýmettik jelisindegi (Reseide buǵattalǵan) paraqshasynda jariialaǵan bolatyn. Sait profilinde avtor ózi týraly biraz aqparat bergen. Munda ol MIPT túlegi ekenin jáne qazirgi tańda Shveitsariiada ómir súrip jatqanyn habarlaidy.Óziniń sońǵy jariialanymynda Baronov AQSh pen Batys Eýropada baǵdarlamalyq jasaqtamany ázirleý boiynsha eki kompaniia qurǵanyn atap ótken. Sonymen qatar kásipker "Reseidiń Ýkrainaǵa jasaǵan basqynshylyq shabylýyna qatty alańdaitynyn" jetkizgen.
"Men jeke adammyn jáne saiasat týraly eshqashan ashyq pikir bildirmegenmin. Alaida Reseidiń Ýkrainaǵa jasaǵan arnaiy shabýylyna qatty tańqaldym", - dep jazdy Andrei Baronov.
Osy tusta Baronov Ýkraina bosqyndaryna kómektesken "bedeldi gýmanitarlyq uiymdarǵa" milliondaǵan dollar bergenin de jasyrmady.
Andrei Baronov 2023 jyldyń sáýirinde Resei azamattyǵynan shyǵýǵa talpynǵan. Bul másele sol jyldyń jeltoqsanynda sheshimin tapqan. Al Ratmir Timashev 2024 jyldyń qańtarynda Resei azamattyǵynan bas tartqan.
Buǵan deiin mundai sheshimdi milliarder Timýr Týrlov (Freedom Holding), Iýrii Milner (DST Global), Nikolai Storonskii (Revoliýt), Igor Makarov (Areti), Coalco negizin qalaýshy Vasilii Anisimov, Troika dialogynyń negizin qalaýshy Rýben Vardanian jáne burynǵy milliarder Tinkoff Bank negizin qalaýshy Oleg Tinkov qabyldaǵan bolatyn.
Eske salaiyq, 2020 jyly Forbes Andrei Baronovtyń bailyǵyn 770 million dollarǵa, Ratmir Timashevtiń bailyǵyn 680 million dollarǵa baǵalady.
Timashev pen Baronov 2006 jyly Veeam kompaniiasyn quryp, oǵan 10 million dollarǵa jýyq investitsiia salǵan.
Insight Partners-pen tranzaktsiiadan keiin Timashev pen Baronov Veeam-ge keńes berýdi jalǵastyrýda. 2023 jyldyń aqpanynda seriktester Qurama Shtattarda Object First kompaniiasyn qurdy. Bul Veeam klientteri úshin tólem baǵdarlamasymen qorǵalǵan saqtyq kóshirme saqtaý ónimin ázirleidi.
