FlyArystan áýekompanıasynyń burynǵy qyzmetkerleri Dáýir Erkenuly, Erkin Isanov jáne Renat Abýlhanov senip tapsyrylǵan qarjyny ıemdený jáne jymqyrý isi boıynsha sottaldy. Úkimge sáıkes, olardyń óz atyna, sondaı-aq týystarynyń atyna tirkelgen birqatar múlik memleket kirisine tárkilenedi, dep habarlaıdy Dalanews.kz Informburo.kz agenttigine silteme jasap.
Tergeý málimetinshe, 2019–2024 jyldar aralyǵynda atalǵan tulǵalar FlyArystan qarajatyn zańsyz ıemdengen. Sot úkimimen tárkileýge jatatyn múliktiń tolyq tizimi bekitildi.
Atap aıtqanda, Dáýir Erkenulyna qatysty tómendegi múlik tárkilenedi:
- Toyota Land Cruiser 200 - 35,8 mln teńge;
- Toyota Camry - 15,4 mln teńge;
- Anasynyń atyna tirkelgen Mercedes-AMG GT S - 62,6 mln teńge;
- Týysynyń atyna tirkelgen ZEEKR 001 - 22,1 mln teńge;
- MZSA 817732 markaly tirkeme - 1 mln teńge;
- Banktik shottarda jáne krıptovalúta bırjasynda saqtalǵan 4 mln teńge.
Sot qaýlysynda kórsetilgendeı, tárkileý sottalǵandardyń ózderine ǵana emes, zańsyz jolmen alynǵan múlik rásimdelgen týystaryna da qatysty júrgiziledi.
