FlyArystan اۋەكومپانياسىنىڭ بۇرىنعى قىزمەتكەرلەرى ءداۋىر ەركەن ۇلى، ەركىن يسانوۆ جانە رەنات ابۋلحانوۆ سەنىپ تاپسىرىلعان قارجىنى يەمدەنۋ جانە جىمقىرۋ ءىسى بويىنشا سوتتالدى. ۇكىمگە سايكەس، ولاردىڭ ءوز اتىنا، سونداي-اق تۋىستارىنىڭ اتىنا تىركەلگەن ءبىرقاتار مۇلىك مەملەكەت كىرىسىنە تاركىلەنەدى، دەپ حابارلايدى Dalanews.kz Informburo.kz اگەنتتىگىنە سىلتەمە جاساپ.
تەرگەۋ مالىمەتىنشە، 2019–2024 جىلدار ارالىعىندا اتالعان تۇلعالار FlyArystan قاراجاتىن زاڭسىز يەمدەنگەن. سوت ۇكىمىمەن تاركىلەۋگە جاتاتىن مۇلىكتىڭ تولىق ءتىزىمى بەكىتىلدى.
اتاپ ايتقاندا، ءداۋىر ەركەنۇلىنا قاتىستى تومەندەگى مۇلىك تاركىلەنەدى:
- Toyota Land Cruiser 200 - 35،8 ملن تەڭگە؛
- Toyota Camry - 15،4 ملن تەڭگە؛
- اناسىنىڭ اتىنا تىركەلگەن Mercedes-AMG GT S - 62،6 ملن تەڭگە؛
- تۋىسىنىڭ اتىنا تىركەلگەن ZEEKR 001 - 22،1 ملن تەڭگە؛
- مزسا 817732 ماركالى تىركەمە - 1 ملن تەڭگە؛
- بانكتىك شوتتاردا جانە كريپتوۆاليۋتا بيرجاسىندا ساقتالعان 4 ملن تەڭگە.
سوت قاۋلىسىندا كورسەتىلگەندەي، تاركىلەۋ سوتتالعانداردىڭ وزدەرىنە عانا ەمەس، زاڭسىز جولمەن الىنعان مۇلىك راسىمدەلگەن تۋىستارىنا دا قاتىستى جۇرگىزىلەدى.
