Pavlodar oblysynyń Maiqaiyń kentinde jedel járdem feldsherin balaǵattap, onyń jumysyna kedergi keltirgen áielge 30 AEK, iaǵni 129 750 teńge aiyppul salyndy, dep habarlaidy dalanews.kz.
«103» qyzmetiniń qyzmetkeri 5 qyrkúiekte shaqyrtý boiynsha kelgen kezde áiel ony dóreki túrde balaǵattap, qyzmettik mindetterin oryndaýyna kedergi keltirgen.
Sot materialdaryna sáikes, feldsherdiń sol sátte beinetirkegishi qosýly bolǵan. Jazba quqyq buzýshylyq faktisin rastaǵan.
Baianaýyl aýdandyq soty áieldi QR ÁQBtK-niń 80-1-babynyń 2-bóligi boiynsha meditsina qyzmetkerine qurmetsizdik tanytqany úshin kináli dep tanydy.
Sot qaýlysy 17 qyrkúiekte shyǵarylǵan. Sot sheshimine sáikes, quqyq buzýshyǵa 30 AEK kóleminde aiyppul taǵaiyndaldy.
Qaýly ázirge zańdy kúshine engen joq.
