«EXPO-2017» kórmesinde birqatar azamattarǵa jeńildik jasalmaq. Keler jyly 10 maýsymnan 10 qyrkúıek aralyǵynda Astana qalasynda ótetin «EXPO-2017» kórmesiniń bıletteri satylymǵa shyqqany kópshilikke málim. Sondaı-aq, jýyrda belgili bolǵandaı, kórme barysynda UOS ardagerleri, múmkindigi shekteýli azamattar, jetim jáne 6 jasqa deıingi balalar tegin kiretin bolady.

Jeńildikter legi munymen shektelip qalmaıdy. «EXPO-2017» UQ» AQ-da málim etkendeı, zeınetkerlerge, kóp balaly analarǵa, stýdentter men oqýshylarǵa arnaıy jeńildik bıletteri qarastyrylyp otyr.

Aıta ketsek, «EXPO-2017» kórmesine bıletterdi onlaın satý maqsatynda resmı saıt jumysyn bastap, 10 maýsymda alǵashqy bıletter satylymǵa shyqty. Qazirgi tańda bıletterge 20-50% aralyǵynda jeńildik jasaıtyn promo aksıalar da júrgizilýde.

"Shyǵys-aqparat"