«EXPO-2017» كورمەسىندە ءبىرقاتار ازاماتتارعا جەڭىلدىك جاسالماق. كەلەر جىلى 10 ماۋسىمنان 10 قىركۇيەك ارالىعىندا استانا قالاسىندا وتەتىن «EXPO-2017» كورمەسىنىڭ بيلەتتەرى ساتىلىمعا شىققانى كوپشىلىككە ءمالىم. سونداي-اق، جۋىردا بەلگىلى بولعانداي، كورمە بارىسىندا ۇوس ارداگەرلەرى، مۇمكىندىگى شەكتەۋلى ازاماتتار، جەتىم جانە 6 جاسقا دەيىنگى بالالار تەگىن كىرەتىن بولادى.

جەڭىلدىكتەر لەگى مۇنىمەن شەكتەلىپ قالمايدى. «EXPO-2017» ۇق» اق-دا ءمالىم ەتكەندەي، زەينەتكەرلەرگە، كوپ بالالى انالارعا، ستۋدەنتتەر مەن وقۋشىلارعا ارنايى جەڭىلدىك بيلەتتەرى قاراستىرىلىپ وتىر.

ايتا كەتسەك، «EXPO-2017» كورمەسىنە بيلەتتەردى ونلاين ساتۋ ماقساتىندا رەسمي سايت جۇمىسىن باستاپ، 10 ماۋسىمدا العاشقى بيلەتتەر ساتىلىمعا شىقتى. قازىرگى تاڭدا بيلەتتەرگە 20-50% ارالىعىندا جەڭىلدىك جاسايتىن پرومو اكسيالار دا جۇرگىزىلۋدە.

"شىعىس-اقپارات"