Belgili qazaqstandyq bloger Beibit Álibekovtiń kóligine jyldamdyqty asyrǵany úshin aiyppul salynǵan. Alaida jol kamerasy ereje buzýshylyqty tirkegen sátte onyń kóligi evakýatordyń ústinde bolǵan. Soǵan qaramastan, júie jyldamdyqty asyrǵan evakýatordy emes, oǵan tielgen kólikti tirkegen, dep habarlaidy dalanews.kz.
Aiyppul týraly qujatqa sáikes, oqiǵa 23 qazanda saǵat 19:04 shamasynda Almaty – Bishkek tasjolynyń 43-shaqyrymynda bolǵan.
Jol boiyndaǵy avtomatty baqylaý kamerasy memlekettik nómiri 666 SUV 02 bolatyn kóliktiń jyldamdyqty asyrǵanyn tirkegen. Qujatta ruqsat etilgen jyldamdyq saǵatyna 50 shaqyrym ekeni, al kólik saǵatyna 63 shaqyrym jyldamdyqpen qozǵalǵany kórsetilgen.
Alaida kamera túsirgen fotosýretterden atalǵan kóliktiń sol sátte evakýatordyń ústinde turǵanyn anyq kórýge bolady. Iaǵni jyldamdyqty asyrǵan kóliktiń ózi emes, ony tasymaldap bara jatqan evakýator bolýy múmkin.
Soǵan qaramastan, avtomatty tirkeý júiesi evakýatorǵa tielgen kóliktiń memlekettik nómirin anyqtap, quqyqbuzýshylyqty soǵan tirkegen.
