Jeli qoldanýshysy, jýrnalist Ádilet Orynbasarov óziniń Feisbýktaǵy paraqshasynda Batys Qazaqstan oblysyndaǵy evakýatsiialyq pýnkterdegi keleńsiz jaǵdaidy ashyna jazypty. Onyń aitýynsha, bir apai basyna jastaityn jastyq tappai júrse, kelsi bir apai tórt jastyqty alyp alyp, ony eshkimge bermei, artyq jastyqtardy úiine áketpekshi eken.
Men bir-aq nárseni uqpadym. Neshe kúnnen beri saýaldar sanamnan keter emes. Búginde jumys babymen evakýatsiialyq pýnkterde jii bolamyn. Barǵan saiyn ár adammen sóilesip, jan-dúniesine úńilgim keledi.
Pýnkterde jaǵdai birkelki. Jatyn oryn, tamaq bári uiymdastyrylǵan. Árine óz úiińe jeteri joq.
Biraq adamdardyń is-áreketteri... Bolǵan jaǵdaidan shok alǵan deiin deseń, olai aitýǵa kelmeidi. Terektide osydan bir aptadaǵydai dúrbeleń joq. Alaida evapýnkterdegi adamdarda bir-birine degen janashyrlyq joq.
Bir adam jastyq taba almai sendelip júr.
Bir aǵam tórt (!) jastyq salyp alǵan basyna.
Bir apaiǵa kórpesine tys kerek.
Bir apai kórpeniń tysyn qos-qostan alyp, «qalǵanyn úiime áketem» dep otyr.
Bir turǵyn berilgen shai men maiǵa «shúkir» deidi.
Myń adam «Bizge banan men alma berińder» dep aiqai salyp júr.
Qyrqysqan, tartysqan adamdar.
"Sen timeseń, men time" dep qyryn qarap jatqan qarttar.
Baiqaǵanym, «táit» deitin aqsaqal joq. Múmkin osy sózim úshin meni sógesizder. Óitkeni qazir adamdy sógý trendte ǵoi...
Buryn bir aqsaqal «Táit, jaman yrym bastamańdar» degen bir aýyz sózimen bir eldi jónge salyp, myńdaǵan otbasyny ajyrasý men júzdegen aǵaiyndy betjyrtysýdan saqtap qalǵan edi ǵoi.
Sol zaman kelmeske ketti me?
Bul ózi qai zaman?!
Álde bul nietten be?
Múmkin bul zalal bizdiń nietimizge bailanysty berilip jatyr dep oilamaisyzdar ma?!
