Eýraziia ulttyq ýniversitetiniń túlekteri jeke derekterdiń taralýy múmkin ekenin málimdedi, dep habarlaidy Dala News.
Áleýmettik jelilerde taraǵan aqparatqa sáikes, burynǵy stýdentterge ózin ýniversitet rektory retinde tanystyrǵan alaiaqtar habarlasa bastaǵan. Olar jalǵan qujattar men mórlerdi paidalanyp, senimge kirýge tyrysqan.
Túlekterdiń aitýynsha, mundai habarlamalar birneshe adamǵa birdei kelgen. Bul jaǵdai derekterdiń syrtqa shyqqany týraly kúdik týdyrǵan.
Alaida ýniversitet ókilderi jeke málimetterdiń taralǵanyn joqqa shyǵardy.
Ǵylym jáne joǵary bilim ministri Saiasat Nurbek bul jaǵdai baqylaýǵa alynǵanyn aityp, tekseris júrgiziletinin málimdedi. Al Tsifrlyq damý ministrligi aqparattyq qaýipsizdik komitetine resmi suraý joldaǵan.
Qazirgi ýaqytta mán-jaidy anyqtaý jumystary jalǵasýda.
