ەۋرازيا ۇلتتىق ۋنيۆەرسيتەتىنىڭ تۇلەكتەرى جەكە دەرەكتەردىڭ تارالۋى مۇمكىن ەكەنىن مالىمدەدى، دەپ حابارلايدى Dala News.
الەۋمەتتىك جەلىلەردە تاراعان اقپاراتقا سايكەس، بۇرىنعى ستۋدەنتتەرگە ءوزىن ۋنيۆەرسيتەت رەكتورى رەتىندە تانىستىرعان الاياقتار حابارلاسا باستاعان. ولار جالعان قۇجاتتار مەن مورلەردى پايدالانىپ، سەنىمگە كىرۋگە تىرىسقان.
تۇلەكتەردىڭ ايتۋىنشا، مۇنداي حابارلامالار بىرنەشە ادامعا بىردەي كەلگەن. بۇل جاعداي دەرەكتەردىڭ سىرتقا شىققانى تۋرالى كۇدىك تۋدىرعان.
الايدا ۋنيۆەرسيتەت وكىلدەرى جەكە مالىمەتتەردىڭ تارالعانىن جوققا شىعاردى.
عىلىم جانە جوعارى ءبىلىم ءمينيسترى ساياسات نۇربەك بۇل جاعداي باقىلاۋعا الىنعانىن ايتىپ، تەكسەرىس جۇرگىزىلەتىنىن مالىمدەدى. ال سيفرلىق دامۋ مينيسترلىگى اقپاراتتىق قاۋىپسىزدىك كوميتەتىنە رەسمي سۇراۋ جولداعان.
قازىرگى ۋاقىتتا ءمان-جايدى انىقتاۋ جۇمىستارى جالعاسۋدا.
