Eýropa parlamenti Qazaqstandaǵy sóz bostandyǵy jóninde qarar qabyldap, Astanany buqaralyq aqparat quraldary men jýrnalisterdi qýdalaýdy doǵarýǵa shaqyrdy.
9 naýryzda qabyldanǵan qararda Qazaqstandaǵy sóz bostandyǵy sońǵy jyldary nasharlaǵany aitylady. Qararda Eýropa parlamentiniń depýtattary Astanany oppozitsiialyq Nakanune.kz saitynyń redaktory Gýzial Baidalinovany bosatýǵa jáne Qazaqstan jýrnalister odaǵynyń tóraǵasy Seiitqazy Mataev pen onyń uly, QazTAG agenttigi jetekshisi Áset Mataevty qýǵyndaýdy toqtatýǵka shaqyrady.
Eýroparlament depýtattary buǵan qosa Qazaqstan biligin jýrnalister isi boiynsha sot protsesterin ashyq ótkizýge úndegen.
Eýroparlament sonymen qatar qylmystyq kodekstiń "zańǵa sai áreketti qylmystyq is qozǵaý úshin paidalanylýy múmkin" 174 babyn ("Áleýmettik, ulttyq, rýlyq, násildik, taptyq nemese dini alaýzydyqty qozdyrý") qaita qaraýǵa shaqyrady.
Eýroparlament úkimettik emes uiymdardyń (ÚEU) qyzmeti týraly zańdy "Qazaqstandaǵy ÚEU-nyń táýelsizdigi men ómir súrýine nuqsan keltiredi" dep alańdaýshylyq tanytty.
