ەۋروپا پارلامەنتى قازاقستانداعى ءسوز بوستاندىعى جونىندە قارار قابىلداپ، استانانى بۇقارالىق اقپارات قۇرالدارى مەن جۋرناليستەردى قۋدالاۋدى دوعارۋعا شاقىردى.
9 ناۋرىزدا قابىلدانعان قاراردا قازاقستانداعى ءسوز بوستاندىعى سوڭعى جىلدارى ناشارلاعانى ايتىلادى. قاراردا ەۋروپا پارلامەنتىنىڭ دەپۋتاتتارى استانانى وپپوزيسيالىق Nakanune.kz سايتىنىڭ رەداكتورى گۋزيال بايدالينوۆانى بوساتۋعا جانە قازاقستان جۋرناليستەر وداعىنىڭ ءتوراعاسى سەيىتقازى ماتايەۆ پەن ونىڭ ۇلى، قازتاگ اگەنتتىگى جەتەكشىسى اسەت ماتايەۆتى قۋعىنداۋدى توقتاتۋعكا شاقىرادى.
ەۋروپارلامەنت دەپۋتاتتارى بۇعان قوسا قازاقستان بيلىگىن جۋرناليستەر ءىسى بويىنشا سوت پروسەستەرىن اشىق وتكىزۋگە ۇندەگەن.
ەۋروپارلامەنت سونىمەن قاتار قىلمىستىق كودەكستىڭ "زاڭعا ساي ارەكەتتى قىلمىستىق ءىس قوزعاۋ ءۇشىن پايدالانىلۋى مۇمكىن" 174 بابىن ("الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني الاۋزىدىقتى قوزدىرۋ") قايتا قاراۋعا شاقىرادى.
ەۋروپارلامەنت ۇكىمەتتىك ەمەس ۇيىمداردىڭ (ۇەۇ) قىزمەتى تۋرالى زاڭدى "قازاقستانداعى ۇەۇ-نىڭ تاۋەلسىزدىگى مەن ءومىر سۇرۋىنە نۇقسان كەلتىرەدى" دەپ الاڭداۋشىلىق تانىتتى.
