Eýropalyq odaqtyń Sanktsiialar jónindegi arnaiy ókili Devid O ' Sallivan EO Qazaqstannyń Reseige qarsy sanktsiialarǵa qosylmaý týrasyndaǵy ustanymyna tolyqtai qurmetpen qaraitynyn málimdedi, dep jazady Dalanews.kz.
"Biz Qazaqstannyń sanktsiialar qabyldaýyn talap etpeimiz jáne oǵan májbúrlemeimiz de. Bizdiń Resei men Qazaqstan arasynda kóptegen jyldar boiy jalǵasyp kele jatqan zańdy saýda-sattyq qatynastaryna aralasýǵa jáne ony qandai da bir jolmen búldiretindei nietimiz de joq", - dep KazTAG agenttigi O ' Sallivannyń sózin keltiredi.
Bul rette, Eýroodaqty biznestiń keibir josyqsyz ókilderi Qazaqstandy sanktsiialardy ainalyp ótý platformasy retinde paidalana alatyndyǵy alańdatady.
"Osyndai joldy paidalana otyryp, Reseidiń qarý-jaraǵynda qoldanylatyn, EO-da óndiriletin joǵary tehnologiialyq ónimderdi qaita satý yqtimaldylyǵy bar. Mysaly, zymyrandarda, drondarda, artilleriiada qoldanylatyn. Osyǵan bailanysty biz sanktsiialardy ainalyp ótýge jol bermeý turǵysyndaǵy Qazaqstanmen aradaǵy yntymaqtastyqqa kóńilimiz tolady", - dedi O ' Sallivan.
Ol qazirgi ýaqytta EO sanktsiianyń 16-paketini ázirlep jatqanyn jáne oǵan qazaqstandyq kompaniialardyń kirýi múmkin ekenin aitty.
"Bul tizimge qazaqstandyq kompaniialardyń enýin joqqa shyǵara almaimyz, biraq túpkilikti sheshim áli qabyldanǵan joq. Osyǵan bailanysty, tizimge tek sanktsiialardy buzý jónindegi qyzmetke qatysy baryna naqty dálelder keltirilgen kompaniialar ǵana enetinin erekshe jáne taǵy da basa atap ótkim keledi", - dedi O ' Sallivan.
Buǵan deiin Eýroodaq Reseige qarsy 16-sanktsiialayq paketi ázirlenip jatqanyn Bloomberg jazǵan edi. Onyń aiasynda taǵy 15 reseilik bankti SWIFT júiesinen óshirip tastaý qarastyrylyp otyr. Odan bólek reseilik aliýminiidiń importyna kezeń-kezeńimen tyiym salý qarastyrylýda. Munaidy qymbat baǵaǵa satyp júrgen Kremlge tiesili "kóleńkeli flottyń" taǵy 70 kemesin de qara tizimge engizbekshi. Bloomberg derekkózderiniń jazýynsha, jańa sanktsiialar paketi kúshine ený úshin Eýroodaqtyń barlyq elderi ruqsat berýi kerek. Biraq, ázirge Vengriia oǵan kelispei otyrǵany aian.
Sondai-aq O Salivan meńzep otyrǵan qai qazaqstandyq kompaniia ekenin de topshylaýǵa bolady. Óitkeni bir kún buryn sheteldik BAQ bul týrasynda jazyp, arnaiy zertteý jariialaǵan. Oǵan sáikes, bir qazaqstandyq kompaniia Belarýske mikroshemalardy óndirisinde qoldanylatyn tuz qyshqylyn jetkizgen, al ol keiinnen reseilik qarý-jaraqta qoldanylatyn kórinedi. "Belarýs tergeý ortalyǵy", tuz qyshqyly qarý-jaraq óndirisi salasynda mańyzdy material ekenin atap ótedi.
"2021 jyly "Integral" (Belarýs) zaýytyna 99,999% tazalyqtaǵy tuz qyshqylyn UrSeCo Handels GmbH & Co. KG nemis kompaniiasy jetkizgen. Biraq 2022 jyly sanktsiialar bul himiialyq zattyń eksportyna tyiym salǵannan keiin jańa tasymal shemasy paida boldy. Taýardy Belarýske jetkizý úshin tasymaldaýshylar aldymen Polsha men Túrkiia shyǵyp, odan keiin Qazaqstan ainalǵan", delingen tergeýde.
Jýrnalister Qazaqstanda tuz qyshqylyn qabyldap alýshy — United Trading Group JShS atty jergilikti kompaniia ekenin jazady. Al egov.kz-daǵy derekter boiynsha, bul seriktestiktiń quryltaishysy Álimjan Bekov bolyp tabylady. Kompaniianyń "qyzmet baǵyty" baǵanynda bylai delingen: qandai da bir naqtylaýsyz taýarlardyń keń assortimentiniń kóterme saýdasy.
Esterińizde bolsa, aldynda taǵy qazaqstandyq kompaniialar sanktsiia tiziminen tóbe kórsetkende sol kezdegi ulttyq ekonomika ministri Nurlan Baibazarov olardy "bir kúndik kompaniialar" dep ataǵan. Iaǵni, bir kúnde ashylyp, paidalanylady da, sodan keiin joq bolyp ketedi. Bul da sondai bir kompaniia bolmasyna eshkim kepildik bermesi anyq...
