Bul týraly Qazaqstan Respýblikasy Syrtqy ister ministriniń orynbasary Álibek Baqaev pen Eýropalyq Odaqtyń Qazaqstandaǵy ókildiginiń basshysy Kestýtis Iankaýskastyń kezdesýinen keiin belgili boldy, dep habarlaidy Dalanews.kz.
“Kezdesý barysynda taraptar konsýldyq saladaǵy yntymaqtastyqtyń birqatar máselelerin qozǵap, QR azamattary úshin EO elderiniń vizalyq rejimin jeńildetý boiynsha konsýltatsiialardyń ekinshi kezegin ótkizý máselesin talqylady”, – deidi ministrlik.
Eýropalyq vizalyq rejimdi jeńildetýdiń bastapqy kezeńderi:
- vizaǵa ótinim berýdiń birińǵai qujattar toptamasyn engizý;
- konsýldyq alymdardyń mólsherin qysqartý;
- ótinimderdi qarasýdyń merzimin azaitý;
- kóp mártelik vizalardyń qoldanys merzimin uzartý.
Kelissózderdiń nátijesi boiynsha, QR men EO arasyndaǵy konsýldyq saladaǵy dostyq qarym-qatynastardy odan ári nyǵaitý boiynsha ýaǵdalastyqqa qol jetkizgen.
