Reseishil úgit-nasihatqa qatysy bar "Eýropa daýysy" ótken aida Chehiiadan shyǵarylǵannan keiin Qazaqstanda óz qyzmetin qaita bastady, - dep habarlaidy Dalanews.kz.
Euractiv málimetinshe, 27 naýryzda Chehiia men Polsha biligi júrgizgen tergeý nátijesinde reseishil ýkrain saiasatkeri Viktor Medvedchýk pen "Eýropa daýysy" qatysqan Eýropaǵa yqpal etý operatsiiasy bolǵany anyqtalǵan. Kóp uzamai veb-sait óshirildi.
Basylym taldaǵan málimetterge sáikes, 109.248.170.82 IP mekenjaiy 10 naýryzda jańartyldy, alaida veb-sait qazir ghost.kz-te ornalastyrylǵan, al bul - veb-saittarǵa arnalǵan qazaqstandyq servis. Sodan keiin sait 11 sáýirde qaita jariialandy.
Qazir Chehiia "Eýropa daýsyn" EO sanktsiialar tizimine Máskeý qarjylandyratyn Russia Today jáne Sputnik telearnalarmen birge engizýdi talap etip otyr.
Buǵan deiin Reseidiń Ýkrainaǵa shabýylynan keiin Qazaqstan EO sanktsiialaryn ainalyp ótip, ozyq tehnologiialar men qos maqsattaǵy taýarlarǵa qol jetkizý úshin yńǵaily oryndardyń birine ainalǵany aitylyp júrdi.
Byltyrǵy qyrkúiek boiynsha EO-dan Reseige osyndai taýarlardyń eksporty 3,231 mlrd eýroǵa nemese 95,44 paiyzǵa qysqardy.
Osy tusta EO-da sol taýarlardyń Batys jáne Orta Aziia elderine, sonyń ishinde Qazaqstanǵa (333,18 paiyzǵa) eksporty kúrt óskeni baiqaldy.
Belgiia premer-ministri Aleksandr De Kroo Belgiianyń federaldy prokýratýrasy bul isti tergeýdi bastaǵanyn, Máskeý Eýroparlament depýtattaryna reseishil úgit-nasihat taratqany úshin aqsha tólegenin aitty.
Qaita iske qosylǵannan keiingi alǵashqy jazbalarynyń birinde veb-sait Eýropalyq Parlamenttiń jumysyna Reseidiń aralasýy týraly pikirtalasqa silteme jasady.
"Eýropa daýysy" bul is-shara "baspasóz bostandyǵyna jáne zańdy oppozitsiialyq saiasatkerler men Eýroparlament depýtattaryna qarsy jala jabý naýqanyna" qatysty shabýyldyń" bóligi boldy dep málimdedi.
Alaida Chehiia premer-ministri Petr Fiala men Belgiia premer-ministri Aleksandr De Kroonyń málimdemelerine, sondai-aq, cheh barlaýyndaǵy derekkózderge silteme jasaǵan BAQ habarlamalaryna qaramastan, eshqandai zańdy organdar tarapynan resmi qýdalaý bolmaǵan.
