Maýsym aiynan bastap Mańǵystaý jáne Qyzylorda oblysynda qurǵaqshylyq bolyp, maldyń qyrylyp jatqany habarlanǵan edi.
Qurǵaqshylyqtyń saldarynan tabiǵi sý qoimalary tartylyp, jaiylymdyq jerler men sýattar azaiǵan. Nátijesinde malmen jan baǵyp otyrǵan kóptegen otbasynyń maly qyryldy. 70 myńnan astam adam zardap shekken, kóbi kirisi malǵa táýeldi usaq fermerler. Aqparatqa qaraǵanda, zardap shekkenderdiń 84 paiyzy Mańǵystaý oblysynda turady, delingen habarlamada.
Onda atalǵan kómek Eýroodaqtyń Qyzyl ai men Qyzyl jarty ai uiymdarynyń (IFRC) tabiǵi apat kezinde kómek berý qoryna (DREF) qosqan úlesi ekeni atap kórsetilgen.
Buǵan deiin qýańshylyqqa bailanysty Qyzylorda oblysy Aral aýdanynda tótenshe jaǵdai jariialanǵan edi.
Aýyl sharýashylyǵy ministrliginiń shildedegi málimetinshe, Mańǵystaýda myńnan astam, Qyzylorda oblysynda 500-ge jýyq mal basy shyǵyn bolǵan.
Shilde aiynyń ortasynda qýańshylyqpen kúres úshin úkimet rezervinen Mańǵystaý oblysyna – 1,9 mlrd teńge, Qyzylorda oblysyna 1,7 mlrd teńge bólingeni habarlandy.
