ماۋسىم ايىنان باستاپ ماڭعىستاۋ جانە قىزىلوردا وبلىسىندا قۇرعاقشىلىق بولىپ، مالدىڭ قىرىلىپ جاتقانى حابارلانعان ەدى.
قۇرعاقشىلىقتىڭ سالدارىنان تابيعي سۋ قويمالارى تارتىلىپ، جايىلىمدىق جەرلەر مەن سۋاتتار ازايعان. ناتيجەسىندە مالمەن جان باعىپ وتىرعان كوپتەگەن وتباسىنىڭ مالى قىرىلدى. 70 مىڭنان استام ادام زارداپ شەككەن، كوبى كىرىسى مالعا تاۋەلدى ۇساق فەرمەرلەر. اقپاراتقا قاراعاندا، زارداپ شەككەندەردىڭ 84 پايىزى ماڭعىستاۋ وبلىسىندا تۇرادى، دەلىنگەن حابارلامادا.
وندا اتالعان كومەك ەۋرووداقتىڭ قىزىل اي مەن قىزىل جارتى اي ۇيىمدارىنىڭ (IFRC) تابيعي اپات كەزىندە كومەك بەرۋ قورىنا (DREF) قوسقان ۇلەسى ەكەنى اتاپ كورسەتىلگەن.
بۇعان دەيىن قۋاڭشىلىققا بايلانىستى قىزىلوردا وبلىسى ارال اۋدانىندا توتەنشە جاعداي جاريالانعان ەدى.
اۋىل شارۋاشىلىعى مينيسترلىگىنىڭ شىلدەدەگى مالىمەتىنشە، ماڭعىستاۋدا مىڭنان استام، قىزىلوردا وبلىسىندا 500-گە جۋىق مال باسى شىعىن بولعان.
شىلدە ايىنىڭ ورتاسىندا قۋاڭشىلىقپەن كۇرەس ءۇشىن ۇكىمەت رەزەرۆىنەن ماڭعىستاۋ وبلىسىنا – 1،9 ملرد تەڭگە، قىزىلوردا وبلىسىنا 1،7 ملرد تەڭگە بولىنگەنى حابارلاندى.
