Eýraziialyq odaq: kórshimen tatý turý kerek
Jiynnyń shymyldyǵyn túrgen saiasattanýshy Edýard Poletaev: "jalpygeografiialyq jaǵdailar men ortaq shekaralar integratsiianyń negizgi faktory bolyp tabylady. Eýropalyq odaq 19 elmen shekaralasyp jatyr. Al Eýraziialyq odaq 24 memleketpen shekaralasady. Eń mańyzdysy Birikken Ulttar Uiymynyń deregine qaraǵanda Eýraziialyq odaqtyń demografiialyq potentsialy Eýropadan qaraǵanda áldeqaida joǵary.
Demek, ýaqyt óte kele Eýropada eńbek kúshine qatysty qiyndyqtar týyndaýy ábden múmkin" degen pikir bildirdi.
sarapshy Aidarhan Qusaiynovtyń aitýynsha qazirgi kúni jahandaný trendi qalyp barady, iaǵni, óndiristi kóshirý, basqarý júieleri men jańa ekonomikalyq tásilderdi kiriktirý túsinikteri eskirip qalǵan.
"Olardyń ornyna kerisinshe jańa uǵymdar keldi. Kóshbasshylyq ideiasy, biznes protsesster, korporativtik mádeniet túsinikteri aldyńǵy orynǵa shyqty. Bylaisha aitqanda, materialdyq qundylyqqa jatpaityn uǵymdar suranysqa ie boldy" deidi Qusaiynov.
Óz kezeginde jýrnalist Sergei Kozlov ǵylymi-tehnikalyq damý bastalǵaly berý geografiialyq faktorǵa asa kóńil bólinbei otyr degen pikir bildirdi. "Shyntýaitynda bul faktor basty ról atqarady. Dálel kerek bolsa, ótkenge úńileiik" dedi ol.
Al sharany túiindegen qoǵam qairatkeri Qazybek Beisebaevtyń aitýynsha, jalpy kórshini tańdamaityn siiaqty, shekarany da tańdamaidy. Saiyp kelgende – muny taǵdyr dep ataidy.
– Al taǵdyrdan qashyp qutyla almasyń belgili. Osy sebepti de kórshimen tatý turý kerek. Al Qazaqstanǵa keler bolsaq, biz el Qytai men Resei jáne Eýropamen shekaralas ornalasqanbyz. Bylaisha aitqanda biz Eýraziianyń júreginde memleketpiz. Budan qoryqpaý kerek. Negizinde bizdiń geografiialyq jaǵdaiymyz ekonomikalyq turǵydan alyp qarastyrǵanda asa tiimdi, – dedi ol.
