«Eýraziia» isi» jáne óshpendilik qalai týǵan
Sýdia Tatiana Chernysh telearna ókiliniń ótinishin jartylai qanaǵattandyrdy. Sot zalynda jýrnalisterge túsirilim jasaýǵa ruqsat berilgenmen, telearna ókiliniń beinesin túsirýge shekteý qoiyldy. Sondai-aq, sýdia ázirlenetin materialdarda jýrnalisterge otyrysqa baǵa beretin komentariilerden aýlaq bolýdy, tek qurǵaq faktilerge súienýdi mindettedi.
Telearna ókili sot otyrysy barysynda jasalǵan túsirilim isti qaraýǵa kedergi keltirip, tipti, jaýapker tarapqa qaýip tóndirýi múmkin eken.
«Biz kez-kelgen foto, video túsirilim, tedio jáne teletransliatsiia atalǵan istiń mán jaiyn anyqtaýǵa kedergi keltirip, jaýapty taraptyń ókilderine qaýip tóndirýi múmkin. Talapker jaqqa ondai qater tónedi dep oilamaimyz», - degen arna ókili aldyńǵy sot otyrysynan keiingi kei aqparat quraldarynyń, atap aitqanda Azattyq radiosynyń jumysyna syn aitqan.
«2016 jylǵy 30 mamyrdaǵy otyrystyń Azattyq tilshileri ázirlegen videojazbasy jáne internet jelisinde osy BAQ-tyń saitynda jurtqa jetkizilgen málimetter aýdiotriianyń shaǵymdanýshyǵa, onyń qyzmetkerleri men ókilderine qoldaýyn týǵyzatyn pikirlermen súiemeldengen», - deidi telearna ókili.
Sotta sóilegen arna ókili aqparat quraldary arqyly agressivti toptardyń telearna jýrnalisterine, ókilderine degen óshpendiligi artýy múmkin ekendigin aitady.
«Bunyń saldary jaýapker tarap úshin jaǵymsyz aiaqtalýy múmkin. Beitarap tulǵalar úshin internetke salynatyn foto, video materialdar «mystandarǵa soǵys ashýǵa» sebep bolýy múmkin. Sondyqtan men ózimniń tanymal bolǵym kelmeitini túsinikti dep oilaimyn», - deidi «Eýraziia» zańgeri.
Aryzdanýshy N. Jumabekov te sot barysynda jaýapker taraptan ózin BAQ-pen bir qatarǵa qoimaýyn surady.
