Almaty oblysy ákimi Amandyq Batalovtyń aıtýynsha, tek bir ǵana Alakól aýdanynyń ózinde 20 myń basqa arnalǵan jylqy sharýashylyǵy fermasy jáne tórt myń tonnalyq «Qaıyńdy» et kombınaty salynǵan.
Al Raıymbek aýdanynda «Qaz Máso» kompanıasy mármár etin óndirý úshin alty myń bas iri qaraǵa arnalǵan bordaqylaý alańyn qurdy.
Sondaı-aq ıran kompanıasymen birlesip jylyna segiz myń tonnaǵa deıin et óńdeı alatyn «Imperıa Fýd» et kombınaty paıdalanýǵa berilgeni belgili.
– Qabyldanǵan osyndaı sharalardyń nátıjesinde et ónimderin shyǵarý oblysta 24 prosentke artty, alty myń tonnadan astam mal men qus eti eksporttaldy, – dep atap ótti A. Batalov.
