"Eskertýdi elemedi". Alataý aýdanynyń ákimdigi daýly videoǵa qatysty túsinikteme berdi
Qazirgi karantindik shekteýlerge bailanysty Alataý aýdany ákimdiginiń ǵimaratyna kirý shekteýli jáne Ashyq arqyly. Jýrnalist A.Táńirbergen men operator statýstaryn skanerlemegen jáne týrnikettiń astynan ótpei kirgen, ony dáleldeitin beinejazba bar. BAQ ókilderi kúzet qyzmetkerleriniń eskertýlerin tyńdamai, onyń aqyry osyndai jaǵdaiǵa ákeldi, dep habarlady ákimdiktiń baspasóz qyzmeti.
Ákimdik kúzet qyzmetkeriniń bul tirligin quptamaimyz degen syńai tanytyp otyr. Kúzetshige qatysty qyzmettik tekserý bastalǵanyn málimdedi. Tekserý nátijesi boiynsha ony jaýapkershilikke tartý jaǵy qarastyrylady.
Bul oqiǵaǵa bailanysty QR Aqparat jáne qoǵamdyq damý ministri Aida Balaeva da óz oiyn bildirdi:
"Ózderińizge málim, Almaty qalasy, Alataý aýdany ákimdigi qyzmetkeriniń jýrnalist Aqbópe Táńirbergenge kúsh qoldanǵan teris áreketi internet jelisinde qyzý talqylanyp jatyr.
Aýdandyq ákimdiktiń jaýapty tulǵalarynyń buǵan qatysty esh shara qoldanbaýy máseleni tipti de ýshyqtyryp otyr. Bul árine óte ókinishti jáne bizdiń búgingi “estitin memleket”, “ashyq ákimdik” qaǵidalaryna qaishy keletin jaǵdai.
Jýrnalisterdiń quqyǵyn buzýǵa, olardyń resmi jumysyna kedergi keltirip, kúsh kórsetýge eshqashan jol berilmeýi kerek. Olar ózderin qai jerde de erkin sezinýi tiis.
BAQ ókilderi elimizdiń tiisti zańnamalary men normativti-quqyqtyq aktilerine sáikes qajetti tolyqqandy aqparat alýǵa qai kezde de quqyly. Bul jaǵdaiǵa qatysty, Almaty qalasy ákimdiginiń basshylyǵy qyzmettik tekserý júrgizip, tiisti sharalar qabyldaýy qajet dep sanaimyn. Kináli tulǵalar jaýapqa tartylýy tiis. Aldaǵy ýaqytta qai jerde bolmasyn, BAQ ókilderine qatysty bundai keleńsiz jaǵdailarǵa jol berilmeýi qajet, delingen ministrdiń jazbasynda.
"Habar 24" telearnasyndaǵy "Ákimder" baǵdarlamasyn júrgizetin jýrnalist Aqbópe Táńirbergen ákimdikke belgilengen ýaqytta kelgen eken. Biraq ákimdiktiń ishindegiler ony qabyldaýǵa qulyqsyz bolǵanǵa uqsaidy. Kúzetshi jýrnalist qyzdy dóreki túrde kóterip alyp, esiktiń syrtyna shyǵaryp tastaǵan.
https://youtu.be/DdtbXt2mcYE
