Eskeldi aýdanynda salynǵanyn qyryq jylǵa taqaǵan Mádeniet úii jóndelýde
Búginde Almaty oblysy órkendep, aimaq kelbeti kún ótken saiyn jańaryp jatyr. Bul da memlekettiń eldi mekenderdiń kórkeiýine kóńil bólýiniń aiqyn kórinisi. «Jumyspen qamtýdyń jol kartasy – 2020» baǵdarlamasynyń igiligin Eskeldi aýdanynyń turǵyndary da kórýde. Aýdanda uzyn-sany 60 joba qolǵa alynyp, onyń 45-si paidalanýǵa berilgen. Alda áli 15 nysan qoldanysqa beriledi dep kútilýde. Sonyń biri Baqtybai aýylyndaǵy mádeniet úii.
Ǵimarattyń irge tasy 1984 jyly qalanǵan. Sodan beri kúrdeli jóndeýden alǵashqy ret ótip tur.
Aýmaǵy 4200 sharshy metrdi quraityn nysan eki qabattan turady. Mádeniet ordasyn qalypqa keltirý isi mamyr aiynyń 18 juldyzynda bastalǵan. Jaýapty merdiger «PSK Gradtsentr»JShS.
Qurylys jumystaryna barlyǵy 864 mln teńge qarjy bólingen. Búginde 95 azamat eńbekke tartylǵan. Onyń 48-i jumyspen qamtý ortalyǵy arqyly kelgen.
– Nysan ainalasynda arnaiy demalys orny da qarastyrylǵan. Ol tolyǵymen aiaqtaldy. Qazirgi kezde tóbesi 80%-ǵa jabylyp, syrtqy abattandyrý 50%-ǵa oryndaldy. Jalpy alǵanda 40% jumys óz máresine jetti, – deidi qurylysty basqaryp júrgen Baýyrjan Bekejanov.
Mádeniet úii 400 orynǵa laiyqtalǵan. Aita ketý kerek, buǵan deiin jobalaý syiymdylyǵy 575 oryndy qamtyǵan edi. Aldaǵy tańda 15 úiirme ashylmaq. Sáikesinshe, shtat sany artpaq. Shamamen eńbek etýshi qyzmetkerler 20-dan atam bolady dep kútilýde. Jyl sońynda atalǵan joba qoldanysqa beriledi deidi jaýaptylar.
