بۇگىندە الماتى وبلىسى وركەندەپ، ايماق كەلبەتى كۇن وتكەن سايىن جاڭارىپ جاتىر. بۇل دا مەملەكەتتىڭ ەلدى مەكەندەردىڭ كوركەيۋىنە كوڭىل ءبولۋىنىڭ ايقىن كورىنىسى. «جۇمىسپەن قامتۋدىڭ جول كارتاسى – 2020» باعدارلاماسىنىڭ يگىلىگىن ەسكەلدى اۋدانىنىڭ تۇرعىندارى دا كورۋدە. اۋداندا ۇزىن-سانى 60 جوبا قولعا الىنىپ، ونىڭ 45ء-سى پايدالانۋعا بەرىلگەن. الدا ءالى 15 نىسان قولدانىسقا بەرىلەدى دەپ كۇتىلۋدە. سونىڭ ءبىرى باقتىباي اۋىلىنداعى مادەنيەت ءۇيى.
عيماراتتىڭ ىرگە تاسى 1984 جىلى قالانعان. سودان بەرى كۇردەلى جوندەۋدەن العاشقى رەت ءوتىپ تۇر.
اۋماعى 4200 شارشى مەتردى قۇرايتىن نىسان ەكى قاباتتان تۇرادى. مادەنيەت ورداسىن قالىپقا كەلتىرۋ ءىسى مامىر ايىنىڭ 18 جۇلدىزىندا باستالعان. جاۋاپتى مەردىگەر «پسك گرادسەنتر»ج ش س.
قۇرىلىس جۇمىستارىنا بارلىعى 864 ملن تەڭگە قارجى بولىنگەن. بۇگىندە 95 ازامات ەڭبەككە تارتىلعان. ونىڭ 48ء-ى جۇمىسپەن قامتۋ ورتالىعى ارقىلى كەلگەن.
– نىسان اينالاسىندا ارنايى دەمالىس ورنى دا قاراستىرىلعان. ول تولىعىمەن اياقتالدى. قازىرگى كەزدە توبەسى 80%-عا جابىلىپ، سىرتقى اباتتاندىرۋ 50%-عا ورىندالدى. جالپى العاندا 40% جۇمىس ءوز مارەسىنە جەتتى، – دەيدى قۇرىلىستى باسقارىپ جۇرگەن باۋىرجان بەكەجانوۆ.
مادەنيەت ءۇيى 400 ورىنعا لايىقتالعان. ايتا كەتۋ كەرەك، بۇعان دەيىن جوبالاۋ سىيىمدىلىعى 575 ورىندى قامتىعان ەدى. الداعى تاڭدا 15 ۇيىرمە اشىلماق. سايكەسىنشە، شتات سانى ارتپاق. شامامەن ەڭبەك ەتۋشى قىزمەتكەرلەر 20-دان اتام بولادى دەپ كۇتىلۋدە. جىل سوڭىندا اتالعان جوبا قولدانىسقا بەرىلەدى دەيدى جاۋاپتىلار.
