Búgin I.Jansúgirov atyndaǵy Jetisý ýniversitetinde stýdentter arasynda esirtkige qarsy immýnitetti qalyptastyrý maqsatynda «Esirtkige jol joq!» aktsiiasy ótti. Atalǵan aktsiiaǵa oqý ornynyń bilim alýshylary qatysty, – dep habarlaidy Dalanews.kz.
Jiynǵa áleýmettik jumys jáne jastar saiasaty jónindegi prorektor Bolat Seriev, Taldyqorǵan qalalyq politsiia basqarmasynyń bastyǵy, politsiia podpolkovnigi Ernar Shirbaev qatysyp, nashaqorlyqqa qarsy kúres mańyzdy mindet ekenin túsindirdi. Jaǵymsyz ádetten aýlaq bolyp, salaýatty ómir saltyn qalyptastyrý máselesine toqtaldy.
«Qazirgi tańda esirtki máselesi jahandyq dert, álemdik problemaǵa ainalyp otyr. Bul dertke shaldyqqandardyń basym kópshiligi jastar. Memleket basshysy ulttyń genetikalyq qoryn aman saqtap qalý máselesin jii kóteredi. Osy oraida, elimizde esirtkiniń zańsyz ainalymyna qarsy keshendi sharalar atqarylyp, árbir memlekettik qurylym, ásirese, quqyq qorǵaý organdary tiimdi jumys istep jatyr. Atalmysh aktsiia Ishki ister departamentimen memorandým aiasynda aldaǵy ýaqytta da turaqty ótetin bolady», - dedi prorektor.
Aktsiia aiasynda politsiia departamenti stýdentterge qyzmettik avtokólikter men qarý-jaraqtardyń, kinologiia qyzmetiniń kórmesin uiymdastyrdy.
Aita ketý kerek, aktsiiany QR Ǵylym jáne joǵary bilim ministrliginiń Ǵylym komitetiniń №BR 24992927 baǵdarlamasy aiasynda qarjylandyrdy.
