بۇگىن ءى.جانسۇگىروۆ اتىنداعى جەتىسۋ ۋنيۆەرسيتەتىندە ستۋدەنتتەر اراسىندا ەسىرتكىگە قارسى يممۋنيتەتتى قالىپتاستىرۋ ماقساتىندا «ەسىرتكىگە جول جوق!» اكسياسى ءوتتى.  اتالعان اكسياعا وقۋ ورنىنىڭ ءبىلىم الۋشىلارى قاتىستى، – دەپ حابارلايدى Dalanews.kz. 

جيىنعا الەۋمەتتىك جۇمىس جانە جاستار ساياساتى جونىندەگى پرورەكتور بولات سەرييەۆ، تالدىقورعان قالالىق پوليسيا باسقارماسىنىڭ باستىعى، پوليسيا پودپولكوۆنيگى ەرنار شيربايەۆ قاتىسىپ، ناشاقورلىققا قارسى كۇرەس ماڭىزدى مىندەت ەكەنىن ءتۇسىندىردى.  جاعىمسىز ادەتتەن اۋلاق بولىپ، سالاۋاتتى ءومىر سالتىن قالىپتاستىرۋ ماسەلەسىنە توقتالدى.

«قازىرگى تاڭدا ەسىرتكى ماسەلەسى جاھاندىق دەرت، الەمدىك پروبلەماعا اينالىپ وتىر. بۇل دەرتكە شالدىققانداردىڭ باسىم كوپشىلىگى جاستار.  مەملەكەت باسشىسى ۇلتتىڭ گەنەتيكالىق قورىن امان ساقتاپ قالۋ ماسەلەسىن ءجيى كوتەرەدى.  وسى ورايدا، ەلىمىزدە ەسىرتكىنىڭ زاڭسىز اينالىمىنا قارسى كەشەندى شارالار اتقارىلىپ، ءاربىر مەملەكەتتىك قۇرىلىم، اسىرەسە، قۇقىق قورعاۋ ورگاندارى ءتيىمدى جۇمىس ىستەپ جاتىر. اتالمىش اكسيا ىشكى ىستەر دەپارتامەنتىمەن مەموراندۋم اياسىندا الداعى ۋاقىتتا دا تۇراقتى وتەتىن بولادى»، - دەدى پرورەكتور.

اكسيا اياسىندا پوليسيا دەپارتامەنتى ستۋدەنتتەرگە قىزمەتتىك اۆتوكولىكتەر مەن قارۋ-جاراقتاردىڭ، كينولوگيا قىزمەتىنىڭ كورمەسىن ۇيىمداستىردى.

ايتا كەتۋ كەرەك، اكسيانى ق ر عىلىم جانە جوعارى ءبىلىم مينيسترلىگىنىڭ عىلىم كوميتەتىنىڭ №BR 24992927 باعدارلاماسى اياسىندا قارجىلاندىردى.