2024 jylǵy 27 jeltoqsanda QR Prezidenti Qasym-Jomart Toqaev esirtki óndirý jáne ony taratýdy uiymdastyrǵany úshin qoldanylatyn jazany qatańdatýdy, sondai-aq esirtki jasyrýmen alǵash ustalǵan qylmyskerlerdiń jazasyn jeńildetýdi qarastyratyn zańǵa qol qoidy. Bul Zań 2025 jyldyń 3 naýryzynan bastap kúshine enedi.
Qabyldanǵan Zańǵa sáikes esirtki jasyrýshylarǵa qatysty jaza jeńildetilse, esirtki óndirý men taratýdy uiymdastyrýshylarǵa jaza qatańdatyldy.
Osy rette, "Amanat" partiiasynyń Atyraý oblystyq filialynda Atyraý oblysy politsiia departamentiniń Esirtki qylmysyna qarsy is-qimyl basqarmasynyń qyzmetkerleri men qalalyq jáne oblystyq jastar máslihat depýtattary, qoǵam belsendileri jáne «Jastar rýhy» qoǵamdyq qorynyń eriktilerimen birlesken dóńgelek ústel ótkizildi. Jiyn barysynda Zańǵa engizilgen basty ózgerister men jastar arasynda quqyqtyq saýattylyqty arttyrý sharalary túsindirildi.
- Bul zań Qazaqstanda qylmystyq jaýapkershilik júiesin jetildirý arqyly esirtki óndirisin, ony taratýdy uiymdastyrýdy jáne esirtki qylmysyna qatysýshylardy jaýapkershilikke tartýdy kúsheitedi. Esirtkini óndirip, óńdep nemese daiyndaǵandar qamaýǵa 15 jyldan 20 jylǵa deiingi merzimge alynyp nemese múlki tárkilene otyryp, ómir boiyna bas bostandyǵynan aiyrylady. Al esirtkini jasyryp, alǵash ret qylmys jasaǵandardyń múlki tárkilenip, bas bostandyǵynan aiyrý jazasy 5 jyldan 8 jylǵa deiingi aralyqqa tómendetildi,- dedi Esirtki qylmysyna qarsy is-qimyl basqarmasy bastyǵynyń orynbasary politsiia polkovnigi Roman Ermuhanov.
