– Elordada balalar men qala turǵyndaryna arnalǵan sport jáne demalys ortalyǵyn salynatyn bolady. Aitalyq, Almaty aýdanynda («Qazaqstan» sport saraiy janynda) jeke investitsiialar esebinen kópfýnktsionaldy balalar men jasóspirimderge arnalǵan sport ortalyǵynyń qurylysy júrip jatyr. Sport ortalyǵynyń bazasynda fýtbol alańdary, sol siiaqty ústel tennisine, dziýdoǵa, paradziýdoǵa, horeografiiaǵa arnalǵan zaldar jumys isteitin bolady, – dedi qala ákimi.
Kópfýnktsionaldy sport ortalyǵynyń bazasynda sportshylardy ońaltýǵa arnalǵan dárigerlik-dene shynyqtyrý dispanseri de bolatynyn aita ketýimiz kerek. Ortalyq salý úshin tartylǵan investitsiianyń somasy – 5,5 mlrd teńgeni quraidy. Sport ortalyǵyn 2023 jyly ashý josparlanyp otyr.
Sol siiaqty qalada jeke investitsiialar esebinen ústel tennisi ortalyǵyn («Alaý» muz saraiynyń janynda) ashylatynyn aita ketýimiz kerek.
– Jańa Oqýshylar saraiynyń qurylysy da jeke investitsiialardyń esebinen júrgiziletin bolady. Bolashaq Oqýshylar saraiynyń jalpy aýdany shamamen 6,5 myń sharshy metrdi quraidy. Onyń bazasynda bassein, gimnastika, sporttyq-bal bileri zaldaryn, shahmat, robototehnika jáne IT-baǵdarlamalaý kabinetterin jumys isteidi. Búginde oń jaǵalaýda Oqýshylar saraiy bar. Endi qala turǵyndarynyń ótinishi boiynsha sol jaǵalaýda Oqýshylar saraiyn salyp jatyrmyz. Jańa nysan 2023 jyly paidalanýǵa beriletin bolady, – dedi Altai Kólginov.
Budan basqa qalada boks, jekpe-jek óneri ortalyqtary, jekpe-jek zaly, sportshylarǵa arnalǵan meditsinalyq ortalyq ashý da ákimdiktiń josparyn bar eken. Óz kezeginde qala basshysy aldaǵy ýaqytta «Jastar» saraiy men nda, «Tolqyn» sport keshenine jóndeý jumystary júrgiziletinin de aitty.
Búginde «Qazaqstan» sport kesheninde qaita qurý jáne jańǵyrtý jumysy júrip jatyr. «Óndiris» jáne «Kóktal-2» eldi mekenderinde dene shynyqtyrý-saýyqtyrý keshenderi ashyldy. Olarda sporttyń 10 túri boiynsha 1 myńǵa jýyq bala jattyǵady. Taǵy eki eldi mekende dene shynyqtyrý-saýyqtyrý keshenderiniń qurylysy júrgizilýde.
– Qala turǵyndarynyń sportpen shuǵyldanyp, bos ýaqytyn paidaly ótkizýi úshin sport jáne demalys ortalyqtarynyń jelisin ary qarai da keńeite beremiz. Sport ortalyqtary buqaralyq sportty damytýǵa jáne balalar men jasóspirimder sportyna qoldaý kórsetýge múmkindik beredi, – deidi elorda ákimi.
