– Buǵan deıin biz ata-analardy jumystan erte jiberý máselesin kótergen edik. Sebebi balalar tárbıesindegi ata-analardyń róli tómendep ketken. Búginde memlekettik qyzmetshilerdiń ishinen ata-analar jınalystaryna kóp adam qatysyp júrgen joq. Bizdiń esebimizge sáıkes, ata-analardyń 40 paıyzy 11 synypqa deıin mektep jınalystaryna birde-bir ret qatyspaǵan. Qazirgi kezde dırektorlar jaǵdaıdyń sál-pál ózgergeni jaıynda aıtyp otyr. Degenmen, aǵymdaǵy jyly kóktemde biz «Ata-analar saǵaty» atty ulttyq kúndi ótkizýdi josparlap otyrmyz. Sol kezde barlyq memlekettik organdardan, ulttyq kompanıalar men jeke menshik fırmalardan ata-analardy erterek bosatýdy suraıtyn bolamyz, – dedi Saǵadıev Úkimettiń búgingi otyrysynda.
Aıta keteıik, aǵymdaǵy jyly bakalavrıat, magıstratýra men doktorantýraǵa qosymsha 10 myń grant bólinedi degen jospar bar. Sondaı-aq Erlan Saǵadıev «Serpin» baǵdarlamasyn birshama ózgertýdi usynyp otyr.
