Erte diagnostikalaý – ómirińizdi uzartady!
- Jyl saiyn álemde sút bezi qaterli isikpen 2 300 000 jait anyqtalǵan.
- Ólim-jitim - 685 000 jaǵdai
- Aýrý qarqyndy damyp keledi: kóbinese ol 40 jasqa deiingi adamdarda kezdesedi.
- Ár 8-áieldiń biri ómirinde sút bezi qaterli isigine shaldyǵý qaýpi bar.
Almaty qalasynda 6635 áiel sút bezi qaterli isik diagnozymen esepte tur.
Statistikaǵa sáikes, qalada jyl saiyn 700-ge jýyq sút bezi qaterli isigimen aýyratyn áielder anyqtalady, iaǵni bul patologiiamen qalada kúndelikti 2 áiel aýyrady.
2021 jyly Alamty qalasynda sút bezi qaterli isiginen 192 áiel qaitys boldy, onyń 50 paiyzy eńbekke qabiletti jastaǵylar. Sút bezi qaterli isiginiń qaýip faktorlary: tuqym qýalaýshylyq (anasynda, apalarynda aýrýdyń bolýy), jaman ádetter (alkogoldi qabyldaý, temeki shegý), gormonaldy teńgerimsizdik (emshek emizýden bas tartý, endokrindik aýrýlar, gormonaldy kontratseptivterdi baqylaýsyz qoldaný) jáne t.b.
Qaterli isikterdi erte anyqtaýda mańyzdy ról atqarady:
- sút bezin únemi ózin-ózi tekserý;
- emhanada mammologtyń jyl saiynǵy profilaktikalyq tekserýi;
- 40 jastan 70 jasqa deiingi áielder úshin 2 jylda bir ret mammografiiadan ótý;
Ýaqytyly emdeý-sizdiń sulýlyǵyńyzdy, densaýlyǵyńyzdy ǵana emes, ómirińizdi de saqtaýdyń kilti bolyp tabylady! Dúniejúzilik sút bezi qaterli isigine qarsy kúres kúni aiasynda Almaty onkologiia ortalyǵynda 2022 jyldyń 1 qazanynan bastap ár senbi saiyn (1,8,15,22,29) sút bezi qaterli isigin erte anyqtaý boiynsha Ashyq esik kúnderin ótkizedi.
