- جىل سايىن الەمدە ءسۇت بەزى قاتەرلى ىسىكپەن 2 300 000 جايت انىقتالعان.
- ءولىم-جىتىم - 685 000 جاعداي
- اۋرۋ قارقىندى دامىپ كەلەدى: كوبىنەسە ول 40 جاسقا دەيىنگى ادامداردا كەزدەسەدى.
- ءار 8-ايەلدىڭ ءبىرى ومىرىندە ءسۇت بەزى قاتەرلى ىسىگىنە شالدىعۋ ءقاۋپى بار.
الماتى قالاسىندا 6635 ايەل ءسۇت بەزى قاتەرلى ىسىك دياگنوزىمەن ەسەپتە تۇر.
ستاتيستيكاعا سايكەس، قالادا جىل سايىن 700-گە جۋىق ءسۇت بەزى قاتەرلى ىسىگىمەن اۋىراتىن ايەلدەر انىقتالادى، ياعني بۇل پاتولوگيامەن قالادا كۇندەلىكتى 2 ايەل اۋىرادى.
2021 جىلى الامتى قالاسىندا ءسۇت بەزى قاتەرلى ىسىگىنەن 192 ايەل قايتىس بولدى، ونىڭ 50 پايىزى ەڭبەككە قابىلەتتى جاستاعىلار. ءسۇت بەزى قاتەرلى ىسىگىنىڭ ءقاۋىپ فاكتورلارى: تۇقىم قۋالاۋشىلىق (اناسىندا، اپالارىندا اۋرۋدىڭ بولۋى)، جامان ادەتتەر (الكوگولدى قابىلداۋ، تەمەكى شەگۋ)، گورمونالدى تەڭگەرىمسىزدىك (ەمشەك ەمىزۋدەن باس تارتۋ، ەندوكريندىك اۋرۋلار، گورمونالدى كونتراسەپتيۆتەردى باقىلاۋسىز قولدانۋ) جانە ت.ب.
قاتەرلى ىسىكتەردى ەرتە انىقتاۋدا ماڭىزدى ءرول اتقارادى:
- ءسۇت بەزىن ۇنەمى ءوزىن-وزى تەكسەرۋ؛
- ەمحانادا ماممولوگتىڭ جىل سايىنعى پروفيلاكتيكالىق تەكسەرۋى؛
- 40 جاستان 70 جاسقا دەيىنگى ايەلدەر ءۇشىن 2 جىلدا ءبىر رەت مامموگرافيادان ءوتۋ؛
ۋاقىتىلى ەمدەۋ-سىزدىڭ سۇلۋلىعىڭىزدى، دەنساۋلىعىڭىزدى عانا ەمەس، ءومىرىڭىزدى دە ساقتاۋدىڭ كىلتى بولىپ تابىلادى! دۇنيەجۇزىلىك ءسۇت بەزى قاتەرلى ىسىگىنە قارسى كۇرەس كۇنى اياسىندا الماتى ونكولوگيا ورتالىعىندا 2022 جىلدىڭ 1 قازانىنان باستاپ ءار سەنبى سايىن (1،8،15،22،29) ءسۇت بەزى قاتەرلى ىسىگىن ەرتە انىقتاۋ بويىنشا اشىق ەسىك كۇندەرىن وتكىزەدى.
