Májilis depýtaty Ermurat Bapi eski Qazaqstan, sonyń ishinde Dariǵa Nazarbaeva týraly málimdeme jasady, - dep habarlaidy Dalanews.kz.
Ol depýtattyq saýalyn Ulttyq qaýipsizdik komitetiniń tóraǵasy Ermek Saǵymbaevqa, aqparat jáne mádeniet ministri Aida Balaevaǵa joldady.
Depýtat Bapi jýyrda Respýblikalyq fermerler forýmyndaǵy Prezident Qasym-Jomart Toqaevtyń sózin keltirdi: "Búginde áleýmettik jelilerde ádemi ómir súrý men ońai olja tabý týraly jarnamalar kóbeiip ketti. Bul halyqtyń sanasyna barlyq jetistikke qinalmai qol jetkizýge bolady degen bos qiialdy sińiredi. Jastardyń belgili bir bóligi soǵan senip, altyn ýaqyttaryn bosqa sarp etip jatyr".
Depýtat Prezidenttiń dál osy pikiri qoǵamda da kórinis taýyp jatqanyn aityp, Nursultan Nazarbaevtyń tuńǵyshy Dariǵa týraly da sóz qozǵady.
"Jýyqta áleýmettik jeliler arqyly Parlament Senatynyń burynǵy basshysy Dariǵa Nazarbaevany jer-kókke syiǵyzbai maqtaǵan video taraǵany málim. Álbette taqyrypqa jeleý bolǵan personajdyń basqalardan adami "artyqshylyǵy" bolsa, oǵan eshqandai daý joq. Biraq bul adam - Dariǵa hanym keshe ǵana eldegi ekinshi basshysy retinde joǵarǵy saiasi laýazym iesi bolǵanyn umytpaý kerek. Sondyqtan buny burynǵy saiasi rejimniń "artyqshylyǵyn" dáripteýge arnalǵan, qoǵamdyq sanaǵa sińirilmek saiasi manipýliatsiia dep qabyldaý kerek", - deidi Ermurat Bapi.
Depýtattyń pikirinshe, "qazaq qoǵamyna iritki salýǵa astyrtyn baǵyttalǵan osyndai "eskini ańsaý" úrdisi búginde saiasi sipat ala bastaǵan". Ermurat Bapi áleýmettik jeliler arqyly tarap jatqan mundai manipýliatsiia arqyly "jańa Qazaqstandy "saiasi jik-jikke bólý, ósh alý, ese qaitarý", "qaityp kelý" áreketin baiqaý qiyn emes.
Májilis depýtaty Qańtar oqiǵasyna qatysty da sóz qozǵady. Onyń sózinshe, bul qandy oqiǵaǵa sebep bolǵandar qoǵamnyń sanasyn taǵy da ýlamaq.
"Qańtar oqiǵasyna tikelei qatysy bar, qantógiske sebepshi boldy dep sanalatyn "teris dini aǵym" ieleri endigi jerde qoǵamnyń saiasi sanasyna "qiqym salýǵa" belsendi túrde kirisip jatyr. Buǵan taǵy da sol "ýspeshnyi ýspeh"-qa jetken burynǵylar muryndyq bolyp otyr. Qańtardyń qaharynan qashyp ketkender birtindep, elge orala bastady", - dedi ol.
Depýtattyń aitýynsha, "endi olar el ishine ulttyq mura men salt-sanaǵa qarsy ideologiiany úiirip, revanshistik saiasatty qoǵamǵa sińirýge qam jasap jatyr".
"Áleýmettik jeliler men taralymy millonǵa taqaý jazylýshysy bar tanymal internet resýrstarǵa qarjylai kómek berý arqyly, olardy óz "baýyrlaryna" basyp, ashyq platformalar arqyly saiasi teńselister týdyrýǵa nietti. Maǵan mundai insaiderlik aqparattyń birnesheýi jetti", - deidi Bapi.
Onyń sózinshe, "búgingi bilik otstavkaǵa ketedi", "merziminen buryn ótetin sailaýlarǵa sailaýǵa daiyndyq júrip jatyr", "depýtattardan uiat ketti" degen siiaqty trendterdiń jelide erkin taraýyna sol revanshistik kúshterdiń áreketteri sebep bolyp otyr.
"Bunyń bári "burynǵynyń kezinde mundai bolmaǵan" degen tezisti taratý arqyly qoǵamdyq sanaǵa solaqai sańylaý salýdyń saiasat tehnologiiasy dep qabyldaý kerek.
Men dál osyndai kontrpropagandalyq materialdardyń bir porasyn tiisti vedomstvolardyń joǵary laýazymgerlerine joldaǵan edim. Endi qoǵamǵa iritki salýshy túpnusqalardy anyqtaýdy, eń bastysy – el-jurtqa jik salý piǵyly bar osyndai "eskishil" astyrtyn kúshterdi anyqtaýdy, olar jóninde qoǵamǵa tolyqqandy aqparat berýdi Ulttyq Qaýipsizdik Komitetiniń basshylyǵynan suraimyn", - dedi depýtat.
Bapi bul tusta zańsyz qýdalaý bolmaýy qajet ekenin de málimdedi.
"Jeme-jemge kelgende, "eskishildik" tehnologiiasy ulttyq tutastyqqa qastyq qylatyn, qazaq qoǵamyn saiasi lagerlerge bólshekteýge qushtar "sóz bostandyǵy" bizdiń eldik bolashaǵymyzǵa qater týdyrýy ábden múmkin. Qazaqstannyń qaýipsizdigine, jýyq bolashaqtaǵy eldik muratyna qaskúnem mundai sóz bostandyǵy bizge qajet emes dep sanaimyn. "Burynǵy bilikti" ańsaýshylar ýshyqtyryp, qazaqtar men jalpy musylmandar dúniesin "jańa Qazaqstanǵa" qarsy aidap salyp júrgen dini-saiasi áreketter de áshkerelenýi kerek. Qazaqtyń myń jyldyq ulttyq murattary men ulttyq salt-dástúri shariǵatpen emes, tiisti zańnama normalarymen rettelýi tiistigin umytpaiyq!" - dedi ol.
