Bul týraly “Astana” telearnasy habarlaidy.
“Ministrlik memlekettik din salasyndaǵy saiasattyń tujyrymdamasyn ázirledi. Bul tujyrymdama kóptegen sarapshylar men dintanýshylardyń oi-pikirlerin, usynystaryn eskerip, keń talqylaýdan ótti. Qazir tujyrymdama daiyn, jaqyn arada úkimettiń talqylaýynan ótip, bekitiletin bolady dep úmittenemiz”, – dedi ministr.
Osy rette ministr dástúrli emes dini aǵymdardyń taralýynan týyndaityn problemalarǵa da toqtaldy.
“Qazir biz destrýktivti aǵym dep kez kelgen radikaldy fanatizmge negizdelgen, Qazaqstanǵa jat jat dini aǵymdardy aityp otyrmyz. Biraq olardyń ishinde qazirgi tańda eń ózekti – ol salafizm degen radikaldy aǵym. Destrýktivti dini aǵym, mysal úshin salafizm bolsyn, olar qatelik dini túsinikterdi bizdiń tarihi dástúrlerimizden, mádenietimizden, bizdiń halqymyzdyń kóp etnosty, konfessiialyq sipatynan joǵary qoiady. Olar tek shariǵatqa, baiaǵy ejelgi dini talaptarǵa negizdelgen memlekettiń qurylysyn durys júie dep esepteidi. Mundai shetin ideialar san ǵasyrlyq tarihymyzǵa, san ǵasyrlyq mádenietimizge qaishy keletini sózsiz. Shetelderden belgili bir sheihtardan signal kelse, ol kez kelgen ýaqytta qolǵa qarý alyp, óz jerlesterine, úkimetke, memleketke qarsy shyǵa alady. Sondyqtan olarǵa senim degen joq”
– deidi Nurlan Ermekbaev.
Budan syrt ol shetelge dini bilim alýǵa ketken jastarǵa qatysty pikirin bildirdi.
"Shetelde jekelegen dini bilim berý oqý oryndaryna ketken, óz betterimen ketken jastardyń radikaldy dini aǵymnyń yqpalyna túsýi ábden múmkin. Shetelderdegi túrli dini bilim berý ieleri solar arqyly qoǵamdy basqarýdy qalaidy. Sondyqtan bizdiń usynysymyz, jastar eger shetelge dini bilim alýǵa barǵylary kelse, olar aldymen Qazaqstan musylmandary dini basqarmasyndaǵylarmen aqyldasyp, joldama alyp, shetelge barsa bolar edi. Eger óz betterimen shetelge baryp bilim alsa, QMDB olardy jumysqa qabyldamaidy" – dedi ministr bul rette.
