QR Din isteri jáne azamattyq qoǵam mınıstri Nurlan Ermekbaevtyń aıtýynsha, dál qazir qazaqstandyqtardyń kıim-kıisine naqty shekteý qoıýǵa bolmaıdy. Alaıda bolashaqta naqty bir sheshimniń qabyldanatynyna senim bildirdi, dep xabarlaıdy QazAqparat.
"Elbasy Qazaqstan musylmandary dinı basqarmasynyń ókilderimen kezdeskende anyq aıtty, saqal, qysqa balaq pen qara oramal - ol kez kelgen kıim emes. Memleket basshysy aıtqandaı, bizde kıim tigýge bostandyq bar, ol bostandyqqa árbir azamat ıe. Sonymen qatar, ádeıilep turyp, dinı sıpattaǵy kıim kıip, ózderin qoǵamnan oqshaý ustaýǵa tyrysyp júrgender arasynda aldymen túsindirý jumystaryn júrgizý kerek. Óıtkeni olar bizge, Qazaqstan xalqyna, qazaq xalqyna da jat kıimderdi kıip, qazaq xalqynyń ókilderi emes, bóten elderdiń ókilderi sıaqty kórinedi. Ózderińiz jaqsy bilesizder, basqa elderde, mysaly Taıaý Shyǵysta jergilikti azamattarǵa da, basqa jaqtan keletin týrıserge de kıim jaǵynan birqatar talaptar qoıylady. Al biz ózimizdiń qazaq xalqyna tán kıimderimizdi jáne qazirgi zamanaýı kıimderdi kıip júremiz. Sondyqtan bul másele óte ózekti ári názik. Sondyqtan ony jan-jaqty zerttep, salıqaly bir sheshimge kelemiz dep oılaımyn", - dedi Ermekbaev.
Úkimet otyrysynan keıin ótken baspasóz máslıxatynda. Aıta keteıik, Úkimettiń búgingi otyrysynda din salasyndaǵy memlekettik saıasattyń tujyrymdamasy tanystyryldy.
