Ermekbaev elden keshirim surady
Memleket basshysy jańa ministrdiń bilimi men tájiribesi Qarýly Kúshterge júkteletin mindetterdi oryndaýǵa septigin tigizetinine senim bildirdi.
Prezident Arys pen Jambyl oblysynyń Baizaq aýdanyndaǵydai tótenshe oqiǵalarǵa jol bermeýdiń asa mańyzdy ekenine toqtaldy. Bul rette Joǵarǵy bas qolbasshy oq-dáriler qoimalaryndaǵy qaýipsizdikti qamtamasyz etý jóninde bergen tapsyrmasyn áskerilerdiń esine salyp, bul baǵytta birqatar jumystar jasalǵanyn, degenmen áli de sheshimin kútken túiindi máselelerdiń bar ekenin aitty.
Memleket basshysy Qorǵanys ministrligine birqatar mindet júktedi.
Memleket basshysy jiyn sońynda jańa ministrge jáne barlyq áskerilerge asa jaýapty qyzmette tabys tiledi. Taǵaiyndalǵan ministr Murat Bektanov Úkimet múshesi retinde ant qabyldady.
Jiyn barysynda otstavkaǵa ketken burynǵy ministr Nurlan Ermekbaev sóz sóilep, Prezidentten, Jambyl oblysynyń Baizaq aýdanynda bolǵan qaiǵyly oqiǵadan qaza tapqandardyń aǵaiyn-týysynan jáne zardap shekkenderden keshirim surady.
Buǵan deiin Qorǵanys ministri Nurlan Ermekbaev Jambyl oblysynda bolǵan jarylystardan keiin otstavkaǵa ketken bolatyn.
Keiin Qazaqstan qorǵanys ministriniń birinshi orynbasary - QR Qarýly Kúshteri bas shtabynyń bastyǵy Murat Bektanov Qazaqstannyń qorǵanys ministri bolyp taǵaiyndaldy.
Eske salaiyq, 26 tamyzda Jambyl oblysy Baizaq aýdanynda ornalasqan áskeri bólimde saǵat 19.00 shamasynda qoimalardyń biriniń janynda órt shyqqan. Órt saldarynan anyqtalmaǵan zattar jarylǵan. Ermekbaevtyń jumysy kezinde mundai jaǵdai ekinshi ret qaitalanyp otyr. 2019 jyly Arysta joiqyn jarylystar bolǵan edi.
