Túrkistan oblysy politsiia departamentinde erlikpen qaza tapqan qyzmetkerlerdiń qurmetine ornatylǵan eskertkishke gúl shoqtaryn qoiý rásimi ótti.
Aita ketsek, Táýelsizdik jyldary Túrkistan oblysynda qyzmettik mindetterin atqarý kezinde 60-tan astam politsiia qyzmetkeri qaza tapqan. Olardyń erligi eshqashan umytylmaidy. Jinalǵandar juldyzy erte sóngen áriptesterin bir minýt únsizdikpen eske aldy.
Politsei bolý– kúnde jumysqa shyǵarda aldyńda ne kútip turǵanyn bilmeitin qiyn da qaýipti salalardyń biri. Soǵan qaramastan el qorǵany bolǵan azamattar qashanda bergen anttaryna adal bolyp, minsiz qyzmet etýde.
Qylmyspen kúresý jáne qoǵamdyq tártipti saqtaý – asa mańyzdy mindet. Ómir toqtamaidy, erlik ólmeidi. Olardyń erligi men qaharmandyǵy elimizdiń jas urpaǵyna laiyqty úlgi!
Túrkistan oblysy PD baspasóz qyzmeti
