Ótken juma kúni «AMANAT» partiiasynyń bazasynda Úkimettiń Óńirlik saiasat jónindegi jobalyq keńsesi Saraptamalyq ortalyǵy ashylǵan bolatyn. Ol «Ákimder mektebi» jobasyn júzege asyrýmen, basqarý protsesterin tsifrlandyrýmen, aýdandyq jáne aýyldyq okrýg ákimderine ekonomikalyq damý baǵdarlamalaryn iske asyrýǵa kómektesýmen ainalysady. Ortalyqtyń jumysymen Májilis Spikeri, «AMANAT» partiiasynyń Tóraǵasy Erlan Qoshanov tanysty. Is-sharaǵa Premer-Ministrdiń orynbasary Qanat Bozymbaev qatysty, – dep habarlaidy Dalanews.kz «AMANAT» partiiasynyń baspasóz qyzmetine silteme jasap.
Belgili bolǵandai, Memleket basshysy Qasym-Jomart Toqaev jaqynda ótken Úkimettiń keńeitilgen otyrysynda tikelei sailanǵan ákimderdiń jańa sanaty – sailanbaly basqarýshylar paida bolǵanyn atap ótti. Olardyń arasynda muǵalimder, dárigerler jáne memlekettik qyzmette tájiribesi joq basqa da mamandar bar. Sondyqtan Prezident «AMANAT» partiiasynyń tájiribesin eskere otyryp, «Ákimder mektebi» oqý jobasyn iske qosýdy tapsyrdy.
– Ákimderdi tikelei sailaý – bul Prezidenttiń negizgi reformalarynyń biri, eldi odan ári demokratiialandyrý jolyndaǵy úlken qadam. Qoǵam sailanǵan ákimdermen birge ózekti máselelerdi sheshýge belsendi túrde kirise bastady. Sailaýda jeńiske jetkenderdiń basym kópshiligi – bizdiń partiianyń ókilderi. Endi olardyń basty mindeti – sailaýshylardyń senimin aqtaý. Memleket basshysynyń tapsyrmasyna sáikes, partiia Úkimetpen birlesip, sailanǵan ákimderdi jańa quzyretterge, zańdarmen jáne biýdjetpen jumys isteýge úiretetin bolady. Munyń barlyǵy halyqtyń ómir súrý sapasyn jaqsartý úshin kúndelikti jumysta kómektesedi, – dedi Erlan Qoshanov.
Májilis Spikeri aýyldy jan-jaqty damytý – Memleket basshysynyń saiasatynyń basymdyǵy ekenin atap ótti. Osyǵan bailanysty ótken jyly «AMANAT» partiiasy eldiń barlyq óńirlerinde jańadan sailanǵan aýyl ákimderiniń forýmdaryn ótkizdi. Bul is-sharalarǵa oblys ákimderi qatysyp, sailanǵan basshylardyń alǵashqy jumys qorytyndylary jasaldy. Aýyl ákimderiniń ókilettikterin keńeitý, sonyń ishinde olardyń biýdjetterin ulǵaitý boiynsha usynystar ázirlendi. Atap aitqanda, endi aýyl ákimi kóshe saýdasy, qoǵamdyq oryndardy retteý máselelerin ákimshilik turǵydan basqara alady, sondai-aq aýyl biýdjetine jeke jáne zańdy tulǵalardyń múlik, jer, kólik salyqtary túsedi.
Óz kezeginde Úkimettiń Óńirlik saiasat jónindegi jobalyq keńsesin basqaratyn vitse-premer Qanat Bozymbaev aýyldyq ákimderdiń derbestigin kúsheitý boiynsha júieli sharalar qabyldanatynyn atap ótti. Tsifrlandyrý arqyly ákimder biryńǵai aqparattyq júielerge qol jetkizip, turǵyndardyń sany, mal basy, jeke qosalqy sharýashylyqtardyń jaǵdaiy jáne basqa da parametrler boiynsha tolyq statistikalyq aqparatqa ie bolady. Vitse-premerdiń aitýynsha, ákimderde jetkilikti qarjylyq quraldar bolýy mańyzdy, sonda olar qajetti nátijege qol jetkize alady.
«AMANAT» partiiasy bastamashylyq etken jáne Úkimet pen Memlekettik qyzmet isteri agenttigi birlesip iske asyryp otyrǵan «Ákimder mektebi» jobasy 2400-den astam aýdandyq jáne aýyldyq okrýg ákimderin qamtidy. Oqý kýrsy, basqa da taqyryptarmen qatar, aýyldyq okrýgterdiń ekonomikalyq damý baǵdarlamalaryn ázirleý jáne olardy tájiribede qoldaný ádistemesin úiretýge baǵyttalǵan. Ákimder óz aýyldarynyń ekonomikalyq mamandandyrylýyn anyqtaýdy, sondai-aq ónim óndirýden bastap, ony sertifikattaý men satýǵa deiingi tikelei tizbekti qurýdy úirenedi.
«Qaryzsyz qoǵam» jobasynyń atqarýshy direktory Oljas Ordabaev qazaqstandyqtardyń qarjylyq saýattylyǵyn arttyrý boiynsha atqarylǵan jumystardyń nátijelerimen jáne aldaǵy josparlarmen bólisti. Sońǵy eki jyl ishinde 840 myń adam oqytýdan ótti, onyń ishinde 70 myńy zańgerlik kómek aldy. Endi jobany keńeitý maqsatynda oflain oqytýmen qatar, kýrstar onlain formatta da qoljetimdi bolady. Sonymen qatar zańgerlik keńesti mindetti oqýsyz alýǵa múmkindik týady, al halyqtyń yńǵailylyǵy úshin «Qaryzsyz qoǵam» jobasynyń call-ortalyǵy ashylady.
