Erlan Qarın ál-Farabı atyndaǵy Qazaq ulttyq ýnıversıtetiniń qurylǵanyna 90 jyl tolýyna oraı ótken saltanatty jıynǵa qatysty, – dep habarlaıdy Dalanews.kz.

Memlekettik keńesshi biregeı bilim ordasynyń tarıhı mańyzyna, Prezıdenttiń bastamasymen qolǵa alynǵan ilkimdi isterge toqtaldy.

– Memleket basshysy Qasym-Jomart Kemelulynyń bastamasymen elde aýqymdy jáne tereń ózgerister júrip jatyr. 2029 jylǵa deıin ınfraqurylym júıesin jańartýǵa qatysty keshendi jospar qabyldandy. Tek bıyldyń ózinde 6 myń shaqyrymnan astam ınjenerlik-kommýnıkasıa jelisi jóndeldi jáne 12 myń shaqyrym jol jóndeýden ótip, salynyp jatyr. 3 áýejaıdyń jańa termınaly iske qosyldy.

Bıyl 100-den astam mektep salyndy, sonyń ishinde 53 jaıly mektep bar. Sońǵy on jylda rekordtyq astyq jınaldy. 18 mıllıon sharshy metr turǵyn úı paıdalanýǵa berildi.  Sondaı-aq, bıyl jalpy quny 1,27 trıllıon teńge bolatyn 169 kásiporyn iske qosyldy.  14 myńǵa jýyq jumys orny ashyldy. Munyń bári – Memleket basshysynyń bastamasymen jasalyp jatqan josparly, júıeli jumystyń nátıjesi, – dedi Memlekettik keńesshi.