Erlan Aitahanov: "Otyrardaǵy kómir baǵasyn arzandatý qajet"
Jiynnyń kún tártibinde qysqy jylý berýdi qadaǵalaý men halyqtyń kómirmen qamtamasyz etilý barysy, ortalyq kóshelerdiń abattandyrý jumystary men quqyqbuzýshylar, túngi jáne kúndizgi patrýldik politsiia qyzmetiniń jumys barysy týraly máseleler qaraldy.
Jiynda kún tártibindegi máseleler boiynsha tiisti sala basshylaryna júktelgen mindettemeler men tapsyrmalardyń oryndalý barysyn suraǵan aýdan basshysy jumystardy áli de jandandyrý kerektigin aityp, ony tiisti sala orynbasarlary óz baqylaýlaryna alýdy tapsyrdy.
Munan bólek aýdan basshysy ótken jiyndarda aýdandyq týberkýlezge qarsy dispanserlik bólimi ǵimaratynyń qosymsha qazandyǵyn iske qosýdy tiisti sala basshylaryna tapsyrǵan bolatyn. Osy jumystardyń oryndalý barysyn qadaǵalaýdy Sháýildir aýyl okrýgi ákimine júktedi.
«Sondai-aq qysqy maýsymda ár aýyl okrýgterindegi az qamtylǵan otbasylarǵa qalyptasqan qaǵida boiynsha demeýshilerdiń kómegimen qatty otynmen qamtamasyz etýdi uiymdastyra túsý qajet. Osy jumystardy ár aýyl okrýgteriniń ákimderi óz baqylaýlaryna alyp, turǵyndar arasynda túsindirý jumystary júrgizilsin»,-dedi aýdan basshysy.
Kómir baǵasy óndirýshiler tarapynan joǵary bolyp kelýde. Osyny eskergen aýdan ákimi Erlan Qýanyshuly ótken aptalyq májiliste kómir tasymaldaýshy kásipkerlermen júzdesip, kelissózder júrgizdi. Nátijesinde kómir tasymaldaýshy kásipker 60 tonna kómirdi aýdanda arnaiy qurylǵan áleýmettik máseleler jónindegi komissiia anyqtaǵan az qamtylǵan muqtaj otbasylarǵa tegin berýdi óz mindetine aldy. Jiyn barysynda aýdan basshysy osy kelisilgen jumystardy uiymdastyrýdy ár aýyl okrýgteriniń ákimderine tapsyrdy.
